نزیكەی 5 هەزار خانوو لە ئاكرێ تاپۆ دەكرێن

نزیكەی 5 هەزار خانوو لە ئاكرێ تاپۆ دەكرێن

رەمەزان هەرنی– ئاكرێ: لە هەرێمی كوردستان بە گشتی ژمارەیەكی زۆری زەوی و خانوو هەیە كە تاپۆ نەكراون، بە پێی یاسا دەتوانن تاپۆیان بكەن، كاتێكیش بۆ رایی كردنی تاپۆ كردنی خانووەكان دیاری كراوە، بەپێچەوانە ئەوانەی لەماوەی دیاریكراو كارەكان نەكەن لێپێچینەوەیان لەگەڵ دەكرێ.
بلند رەزا ، سەرۆكی شارەوانی ئاكرێ بە زاری كرمانجی راگەیاند" ساڵی 2018 یاسایەك دەرچوو بۆ رێگری كردن و نەهێشتنی زێدەڕۆیی، بەهۆی ئەوەی ببووە دیاردەیەكی مەترسیدار، زەوییەكان لە كوردستان بەرەو نەمان دەچوون، جگە لەوەی سیمای تێكدەرانەی هەبووە بۆ شار، یاساكە زۆر تۆند بوو زێدەڕۆكار دەدرایە دادگا بە كەفالەتیش ئازاد نەدەكرا تا زێدەڕۆییەكەی لادەبرد، دواتر یاسای تاپۆكردن دەرچوو ژمارە 3 ساڵی 2019 لە رۆژنامەی وەقائیع كوردستان بڵاوكرایەوە، داوا كراوە هاووڵاتی داواكانیان ئاراستەی بەرپرسی ئیدارەی شارەكە بكەن بۆ تاپۆ كردن، بەڵام تا كار گەیشتە ئەوەی بڕیارەكان جێبەجێ بكرێن ڤایرۆسی كۆرۆنا بڵاوبوویەوە بابەتەكە دواكەوت، پارێزگاری دهۆك كۆبوونەوەیەك لەگەڵ سەرۆكی یەكە ئیدارییەكان ئەنجامدا بەپێی دەسهەڵاتی پارێزگار ماوەیەكی تر دیاریكرا كە تا مانگی 10ی ئەم ساڵ ئەو هاووڵاتییانەی زێدەڕۆییان كردووە، دەتوانن داواكارییەكانیان ئاراستەی سەرۆك ئیدارەكان بكەن، ئێستا دەرگا كراوەن بۆ هاووڵاتییان" .
گووتیشی " ئێستا دەستمان بە وەرگرتنی فۆرم كردووە تا 10/10 لێژنەیەك لەسەر ئاستی قەزا پێكهێندراوە لەگەڵ لێژنەیەكی لاوەكی، وەك شارەوانی دوای ئەوەی هاووڵاتییان داواكانیان ئاراستەی لێژنەی قایمقامییەت دەكەن بۆ شارەوانی رەوانە دەكرێن، كاری لەسەر دەكەین لە ماوەی زێدەڕۆیی كردنی سێ ساڵ بێت، بەڵام پەرلەمانی كوردستان لە هەوڵی زیادكردنی ماوەیەكەیە یا بكرێتە 5 ساڵ یا كراوە بێت، دوای ئەوەی تا كاتی دیار كراو فۆرم وەردەگرین، ئەوانە قەرەبوو دەكرێنەوە كە دەكەونە سەر شوێنە گشتییەكان وەك شەقام و شوێنی سەوزایی و ئەوانەشی كێشەیان نییە زەوی یا خانووەكانیان تاپۆ دەكرێت" .
سەرۆكی شارەوانی ئاكرێ زیاتر گووتی " داوا دەكەین ئەو هاووڵاتییانەی خانووەكانیان بە شێوەی زێدەڕۆیی دروستكراوە، تا كاتی دیاریكراو داوا پێشكەش بكەن دوای ئەو ماوەیەی لێپێچینەوە تۆند دەبێت، بەپێی یاسای ژمارە 32 یا موڵكەكەیان دەببێتە موڵكی شارەوانی یا بە كرێ لەسەریان هەژمار دەكرێت، بۆیە داوا دەكەین هاووڵاتییان بە هەر رێگایەك بێت داواكانیان بگەیننە لێژنەی قایمقامییەتی ئاكرێ بۆ ئەوەی موڵكەكانیان یا تاپۆ بكرێ یا قەرەبوو دەكرێتەوە بە چارچە زەویەكی 200 مەتری" .
لە بارەی نرخی تاپۆ كردنیش سەرۆكی شارەوانی ئاكرێ گووتی " بە پێی ئەو نرخانەی دیاریكراون بۆ تاپۆ كردن لەسەر ئاستی پارێزگا، بۆ مەترێك زەوی لە 15بۆ 30 هەزار دەبێت، لە قەزاكان 10 بۆ 15 هەزار، لە ناحیەكان 5 بۆ 8 هەزار دینار، ئەو هاووڵاتییانەی خانووەكانیان تاپۆ ناكەن داوا پێشكەش بە لێژنەكان ناكەن بۆ تاپۆكردن یا قەرەبوو كردنەوە بەپێی یاسا خانووەكەیان دەرووخێنین، لەسەر حسابی خاوەن خانوو ئەگەر شوێنی نیشتەجێبوونیش بێت، دواتر زەویەكە دەفرۆشرێت بۆ حكومەت، هەندێك شوێنی بازرگانی هەیە تاپۆ ناكرێن، بەڵام داوا دەكەین كە شوێنە بازرگانییەك تاپۆ بكرێت، بەڵام ئەو هاووڵاتیانەی خانووەكان تاپۆ ناكەن دەیڕۆخێنن، ئەو هاووڵاتیانەی رووبەرێكی زیاتر لەوەی یاساكانی تاپۆ كردن دیاری كردووە هەیە، دەتوانێت بە نرخی بازرگانی رووبەری تری زەویەكەی خۆی بكرێتەوە بۆ تاپۆ كردن" .
روونیكردەوە" لە ئاكرێ بە پێی دوو یاسا هاووڵاتییان سۆدمەند دەبن لە تاپۆكردنی زەویی و خانووەكانیان یاسای ژمارە 2 ساڵی 2012 ئەو گوندانەی كەوتوونە ناو ماستەرپلان، ئەو هاووڵاتییانە لە گوندەكان تا 400 مەتر بە بری 10 هەزار دینار بكرێتەوە لە 400 بۆ 800 بە 12 هەزار و 500 بۆی تاپۆ دەكرێت تا 2500 ، خانوو ئەم یاسایە دەیگرێتەوە زیاتری 300 خانوو كە نەخشەی پەسەندكراوی هەیە، پێویستە هەڵبگرێن بەپێی یاسای ژمارە 2 كە دەكەونە شوێنە گشتییەكان وەك شەقام و شوێنی سەوزایی نیزیكەی 2500 خانووی تر بەپێی یاسای ژمارەی 3 ساڵی 2019 كە بۆیان هەیە تا 400 مەتر تاپۆ بكەن كە 250 مەتر بە نرخێك و دواتر نرخی بازرگانی ، 300 خانوو قەرەبوو دەكرێنەوە كە دەوكەنە سەر شوێنە گشتییەكان سەرجەمی 5 هەزار خانوو تاپۆ دەكرێن بەپێی یاسا".

 

زۆرترین بینراو