نوێترین زانیاری لەسەر دابەشكردنی پارەی وانەبێژان

نوێترین زانیاری لەسەر دابەشكردنی پارەی وانەبێژان

زاری كرمانجی 
دوای ئەوەی وەزارەتی پەروەردە و وەزارەتی دارایی ئابووری حكومەتی هەرێمی كوردستان رێككەوتن لەسەر پێدانی بڕە پارەیەك بۆ وانەبێژان بۆ مانگەكانی 10-11-12 ساڵی 2020 ، كەچی تائێستا وانەبێژان لەچاوەڕوانی ئەو پارەیەن بۆ ئەوەی پێیان بدرێت، زاری كرمانجی لەسەر ئەم بابەتە بەدوواداچوونی كردووە و هەریەكە لە بەڕێوەبەری گشتی پەروەردەی هەولێر و بەڕێوەبەری گەنجینەی سۆران روونكردنەوەی خۆیاندا.
سیامەند ئیسماعیل، بەرێوەبەری گەنجینەی سۆران بۆ زاری كرمانجی گووتی " بۆ پارەی وانەبێژان بۆ مانگی ١٠،  رەزامەندی وەرگیراوە، لای ئێمە هیچ گرفتێك نییە، بەڵام لەوەزارەتی پەروەردە كاریان ماوە، ئەوان داویانەتە وەزارەتی دارایی و پارەكە خەرجدەكرێت،ئێمە چاوەڕێن بۆ ئەوەی بە خشتەیەك بۆمان بنێرن، وەك جاری پێشو نییە.
لای خۆشیەوە بەشدار عەبدوڵخاڵق، بەرێوەبەری گشتی پەروەردەی هەولێر بە زاری كرمانجی راگەیاند" وانەبێژان  تازە رەزامەندیان بۆ هاتۆتەوە و لە ئایندەێكی زۆر نزیك پارەكەی مانگی ١٠ یان  بۆ خەرجدەكرێت.
زیاتر گووتی" هۆكاری دواكەوتنی پارەی وانەبێژان بۆ ئەوە دەگەڕێتەوە تاوەكو ناوەكانمان ناردەوە وەزارەتی پەروەردە و لەوێ‌ جارێكی تر لیستی ناوەكان پاككرایەوە لە ناوی دووبارە، لەسنوری پارێزگای هەولێریش دەستبەدابەشكردنی پارەی وانەبێژی دەكرێت و تەنها كاتە، دەنا هیچ گرفتێكی ئەو تۆ نییە و ئەم هەفتەیە  پارەكە دابەشدەكرێت.
بۆ وانەبێژان بۆ مانگەكانی 10-11-12 ساڵی 20202 بۆ خاوەن بڕوانامەی بەكالۆریۆس 300 هەزار دینار و و 250 هەزار بۆ هەڵگرانی بڕوانامەی  دبلۆم.

زۆرترین بینراو