نەبوونی بازاڕی كوودی جوتیارانی بناری حەسەنبەگ نیگەران دەكات

نەبوونی بازاڕی كوودی جوتیارانی بناری حەسەنبەگ نیگەران دەكات

 هەرزانی نرخی كودی لەبازاڕەكان، بۆتە نیگەرانی جوتیارانی بناری چیایی حەسەنبەگ لەدەڤەری سۆران و دەڵێن، لەكاتی گواستنەوەی بەرهەمەكە بۆ بازاڕ بای كرێی ئۆتۆمبێل نابێت. سامی ئەحمەد، جوتیارێكی دەڤەری سۆران، بە زاری كرمانجی راگەیاند " ئەگەرچی ساڵانە جوتیاران لە بناری حەسەنبەگ لەدەڤەری سۆران، لەگەڵ بەرهەم هێنانی كشتوكاڵی روو لە چاندنی كودی دەكەن، بەڵام بەداخەوە ئەمساڵ بەهۆی كەمبوونی خواست لەسەر ئەم بەرهەمە، جوتیاران لە بری قازانج زیانمەند بوونە، چونكە نرخێكی واناكات كە بای ماندوو بوونی جوتیاران بێت". ئەم جوتیارە گووتیشی " شوێنەكەمان دوورە دەستە تا بەرهەمە كشتوكاڵییەكانمان دەگینینە بازاڕەكان، وەك دیاریشە نرخی كیلۆیەك كودی لە خوار (200) دینار دەفرۆشین، بەمەش تەنانەت بای كرێی ئۆتۆمبێل نابێت، ئەوەش نیگەرانی لەلای جوتیارانی ناوچەكە دروست كردووە.

 

بیروڕا

زۆرترین بینراو