نەبوونی متمانەی هاووڵاتییان بە حكومەت بۆچی دەگەڕێتەوە ؟

نەبوونی متمانەی هاووڵاتییان بە حكومەت بۆچی دەگەڕێتەوە ؟

رەمەزان هەڕنی– زاری كرمانجی: بەپێی قسەی چین و توێژەكان، متمانەی هاووڵاتییان بە حكومەت رۆژ بە رۆژ بەرەو لاواز بوون دەچێت، لە سەر و بەندی پەیدا بوونی نەخۆشی كۆرۆنا تا ئێستەش خەلك بە گومانەوە لە بڕیار و ئامارەكانی حكومەت دەڕوانێت بەتایبەت ئاماری تووش بووانی كۆرۆنا، ئەم بێمتانەیەش بە مەترسی دەزانن .
لە هەرێمی كوردستان تا ئامادەكردنی ئەم راپۆرتە، 273 هەزار پشكنینی كۆرۆنا بۆ خەلك كراون، لەو رێژەیەدا 24271 كەس تووشی كۆرۆنا بوونە، 14 هەزار كەس چاكبوونەتەوە و 886 كەسیش بەهۆی ئەو نەخۆشییە گیانیان لە دەستداوە .
موسلیم دۆلەمەری پیشەی رۆژنامەوانە لە بارەی بێ متمانەی هاووڵاتی بە حكومەت بۆ زاری كرمانجی گووتی" بێگومان سەرهەڵدانی ڤایرۆسی كۆرۆنا لە هەرێمی كوردستان گەلێك لێكەوتەی لەنێوان هاووڵاتییان و حكومەتی هەرێمی كوردستان لێكەوتەوە، گرنترین هۆكاری لێكەوتەكانیش دابەزینی باری ئابووری خەلكە بۆ خەراپترین ئاست، كە ئەمەش لەمێژووی مرۆڤایەتی باوبووە كە خراپ بوونی باری ئابووری هاوڵاتییان و برسی بوونیان هەمیشە بۆتە پچڕانی رێگە پەیوەندیەكانی نێوان هاووڵاتای و دەسەڵات".
بە گووتەی ئەو رۆژنامەوانە، نەمانی هەماهەنگی و متمانە لە نێوان بڕیار و راسپاردەكانی لایەنی پەیوەندار و هاووڵاتیان بەمەش ئەو نوقدە لە دڵی هاووڵاتییان بەتایبەتی چینی هەژاران دروست دەبێت بەرامبەر بە بڕیار و راسپاردەكانی حكومەت جا لە هەربوارێك بێت، دەڵێ" ئەم بێمتمانەی و پابەندنەبونەش زۆر جارلێكەوتەی خراپی لێدەكەوێتەوە لەنێوانیان، نمونەی گوێنەدانی ئەمرۆی زۆرێك لە هاووڵاتییان بە بڕیار و رێنەمایەكانی وەزارەتی تەندروستی بۆ خۆ پاراستن لەڤایرۆسی كۆرۆنا، كە بەداخەوە رۆژانە لەزۆربەی ناوچەكانی كوردستان هاووڵاتییانمان رۆژ بەرۆژ زیاتر توشی ئەم ڤایرۆسە دەبن و گیانیان دەكەوێتە مەترسی، بۆیە پێویستە هەرچی زووە و بەهەر نرخێك بێت لەلایەنی پەیوەندار هەوڵبدات پەیوەندی نێوان هاووڵاتییان و حكومەت بنیاتبندرێتەوە و بگەڕێندرێتەوە باری ئاسای خۆی بۆ ئەوەی چیتریش خاك فرۆش و نەفس نزمەكان ئەم هەلانە نەقۆزنەوە و هاووڵاتییانمان بە لاڕێدا نەبەن".
سیروان برادۆستی چاڵاكوانی مەدەنی بە زاری كرمانجی گووت" هاوكێشەی گەڕانەوەی متمانە بۆ حكوومەت كارێكی ئاسان نییە، چونكە ئەوەی ئێستا لە كۆمەڵگەی كوردی دەبیندرێت نەبوونی متمانەیە لە دەسەڵات، ئەمەش چەندین هۆكاری جیاوازی هەیە، لەوانە نەبوونی كار و پیشە و خەلك و بێزاریان وای كردووە بەكەمی متمانەیان بە كۆرۆنا هەبێت، بۆیە رێنمایەكانیش وەك پێویست جێبەجێ ناكەن".
زیاتر گووتی" بژێوی ژیان ئابووری خەلك لە ئاستێكی زۆر خراپدایە و رۆژانە بەدەیان رووداوی خۆكوشتن و خۆخنكادن لە شارەكان دەبینین، ئەمەش بەشێكی زۆری دەگەڕێتەوە بۆ نەبوونی داهات و كار و پیشە یان بەهۆی بار و دۆخی خراپیان تووشی حاڵەتی دەروونی دەبن لە ئەنجامدا رووداوی ترسناكی لێدەكەوێتەوە، بۆیە پێویستە بۆ گەڕانەوەی متمانە بۆ دەسەڵات بارودۆخی ئابووری خەڵك خۆش بكرێت و ئاستی تاكی كۆمەڵگەی كوردی لەرووی ئابووریەوە بەرزبكاتەوە واتە ژیانی باش بۆ هاونیشتیمانینانی فەراهەم بكات، ئەوانەی هەژار و كەمدەرامەتن هاوكاری دارایی بكرێن و لەژیانی قورس رزگار بكرێن".
دووپاتی كردەوە، هەموو جیهان بەدەست ئەم ڤایرۆسەوە دەناڵێنێت ناتوانێت كە چارەسەری بكات بەڵكو رۆژانە بەهەزان كەس بەهۆی ڤایرۆسی كۆڕۆنا دەمرێت، بۆیە كۆڕۆنا بوونی هەیە پێویستە لە رقی نەبوونی و خراپی دۆخی ژیان خۆمان نەكەینە قوربانی و دەست لە ژیان بەر نەدەین، لە بری ئەمە پێویستە خۆمان بپارێزین چیتر بیر لەوە نەكەینەوە كە كۆرۆنا بە سیاسی كرابێت ئیتر ڤایرۆسەكە جدیە لە كۆڵانەكاندا بوونی هەیە. ئەم بارودۆخەی لە كوردستان بوونی هەیە پێویستی بە نوێكردنەوەی بەرگێگی زیندوو هەیە لە پەیوەندی نێوان دەسەڵات و هاووڵاتی بۆ گەرانەوەی متمانە هەیە".
لای خۆشیەوە، شەنگە هەوار، ماستەر لەیاسای گشتی زانكۆی حیكمەی بەیروت بە زاری كرمانجی راگەیاند" پاش كۆتای هێنان جەنگی جیهانی دووەم دابەش بوونی بە دوو رووبەری ‌جیاوازی سۆشیالیزمی و سەرمایەداری جیهان بەرگێكی تازەی پۆشی فەزای ئەم دوو رووبەرە ئەوتەكانە بوو لەدونیای ئابووریدا تەنی..و دەرگای كردنەوەی بەرەو پێش چوونی كەرتی ئابووری و پێشكەوتنی تەكنەلۆژی بۆ بەكار هێنانی سەرمایە واڵابوو، بە بەرنامە و میتۆدە زانستێكان كەوتنە گەر لەڕكەبەرایەتییدا ئەم دوو مندانیڵێتە ئەگەر چی !لەبنەرەتدا جیاوازن بەڵام ! لە هەیمەنەتی دراو بەرژەوەندیە تایبەتێكاندا لە فەردانیەتدا یەكگرن".
زیاتر گووتی" بەهەمان شێوە لەبەڕێوەبردنی مەساری سیاسی جیهان بینیدا چوونكە هەرەسیان هێنا لەوەی چاوێكی تازە بەبەرهەم بێنن بۆ دونیا سیاسەت پێشی قۆناغی كۆرۆنا وە بۆ دوای قۆناغی پەتای كۆرۆنا وە ئێستاكە ئەم بەلافاوە زیانە ئابوریانەی ئەمرۆ كەوا كەوتە ژێر ركێڤی كۆمپانیا تایبەتەكان بەتایبەت بواری تەندروستیدا ئاماژەی خۆی هەیە و ناشاردێتەوە هەرچەندە ئەوەی گوزەرشتەی واقیعە ئەمریكا سەركەوتووبوو. لەرابەرایەتی جیهاندا بەڵام !ئەویش بەهەمان شێوە بۆ دونیایی قۆناغی كۆرۆنەدا چی پێنەبوو؟ كەواتە چۆن قەرەبووی ئەم هەموو زەرەو زیانانە ئەكاتەوە؟ لەنەخشەی سیاسەتدا نازانیین !!ئایا پەیڕەوی سیاسەتی بەروئیای بچووك بینیینی دەوڵەتە زلهێزەكان وەبە لەنۆێنەر زانینی دەوڵەتە بچووكەكان بەردەوام ئەبێ كەئەم زهنیەتە ئەم وێناییە لەراستییدا ئەوە ئەو ئافاتە بوو ‌ كە بە نیقەمەتی سیاسەتی سەرمایە داری بەپەڵە هەژمارە لەپەیڕەوی دەرهاوێشتەكان .چوونكە باوەریان هێنا كەوا هەڵگری پەیامی ئەبەدین بەپۆشینی بەرگی عەولەمەو بەرپابوونی دیموكراسیەت و خەسخەسەی كەرتی تایبەتی كۆمپانیا زەبەلاحەكان ٠ دواجار پێشخستنەكانیان لە ریفۆرم‌ بۆردە ئابورێكاندا هەر بەنەخشە رێگای سیستەمی كاپیتالیزمی بازاری ئازاد و سەرمایە داری بوون بەڵام !رووی گەشی ئەم دوو سیستەمە لەبەردەم پەتای گەردوونی نەخوازراوی كۆرۆنا كەوتە ژێر بەرپرسیارێتی و ژێر فشاری هەژموونێكی تازەوە بەتایبەت پاش هەڵكشانی ژمارەی تووش بووانی سەرووی یەك ملێۆن مرۆڤە، پەنجا هەزاری قوربانییە تا ئەم كات ژمێرە ".
گووتیشی" ئەم هەڵكشان لەژمارەی قوربانیان دەرفەت نارەخسێنێ ‌ بۆ دۆزینەوە لەئەلتەرناتیڤێكی تازە؟ئایا جیهانی سەردەمی عەولەمە لەئامادرسازیدایە بۆ قۆناغی پۆست كاپیتالیزمی بەواتای خستنەڕووی سیاسەتی دووبارە دابە‌ش ‌ بوونی سەروەت و سامان لەجیهاندا !بێ گومان بیر كردنەوە لەسیاسەتی دارشتنی جیهانێكی پڕ بەهاتر بۆ مرۆڤایتی بە ئەلتەرناتیڤێكی جیاواز بەچاوێكی تازەو روئیایەكی تازە هەمیشە وەرگری وەڵامی ئەو پرسیارە پر جەدەلیە تە كەوا سیستەمی كاپیتالیزمی فاكتێكە بۆ پۆست كاپیتالیزمی، چوونكە پێم وایە ئەو نەخشە رێگایە كە پۆست كاپیتالیزمە وەكو پێداچوونەوەیەكە بۆ سەرجەم ئەتەكێتە سیاسیكان و نەخشە ئابوورێكانی داهاتوو".

 

زۆرترین بینراو