هاووڵاتییانی هەریر داوای گۆڕینی بەرپرس و بەڕێوەبەرەكان دەكەن

هاووڵاتییانی هەریر داوای گۆڕینی بەرپرس و بەڕێوەبەرەكان دەكەن

محەمەد ئامۆكەیی- زاری كرمانجی: هاونیشتیمانیانی شارۆچكەی هەریری سەر بەقەزای شەقڵاوە، لە پێناو خزمەتكردنی شارەكەیان و دانانی كەسی شیاو بۆ شوێنی شیاو، داوای ئەوە دەكەن حكومەتی هەرێم، بەدەر لە ئاوڕدانەوە لەو شارە گۆڕانكاریش بكات بە گۆڕینی بەرپرسانی شارەكە، عەلی ئەحمەد، گەنجێكی هەریرە، گووتی" شارەكەمان بەتەواوەتی فەرامۆشكراوەو وەك پێویست ئاوڕی لێ نەدرایتەوە، من دەپرسم ئەوو هەموو ساڵە خەوتان لێكەوتبوو، بۆ هەمووان بەیەك دەنگ داوای پڕۆژەی خزمەتگوزاریاتان ناكرد بۆ شارەكە، یان لە غەمی كورسیەكەتان بوون."
ئەو هاووڵاتیە باس لەوەش دەكات" بەرپرس هەیە نزیكەی 20 ساڵە لە شوێنێك دەوام دەكات و هیچ خزمەتێكی وامان لێ نەدیووە، بە سەدان دەرچوی زانكۆ هەن و خاوەن ئەزمونن با لەم گۆڕانكاریەی باسی لێوەدەكرێت بۆ گۆڕینی بەرپرسەكان ئەمجارە گەنجی شارەكە بخرێنە شوێنی ئەوان بۆ خزمەتی زیاتری ناوچەكە.
هاووڵاتییەكی تریش ئەوەی گووت" لەدوای بڵاوبونەوەی دەنگۆی گۆڕینی بەرپرس و بەڕێوەبەرەكان خەڵك پێشوازی كردووە لەم بڕیارە، هیوادارین پەلە بكرێت گۆڕانكاری ریشەی نەك لە هەریر بەڵكوو لە هەموو كورستان بكرێت، لە پێناو خزمەتكردنی زیاتر.
سەفیر عومەر، گەنجێكی تربوو دەڵێت" ئێمە نامانەوێت تەنیا دەمووچاوەكان بگۆڕدرێن بەڵكوو دەمانەوێت خزمەتی زیاتری شار بكرێت، نەبوونی نەخۆشخانەو پاركێكی خێزانی بۆ گەورەترین ناحیەی سنووری پارێزگای هەولێر جێگای هەڵوەستە لەسەركردنە، ئەو پرسیارە؟ دەبێت بەرپرسانی شار جوابی بدەنەوە كە بەهەموویان تاكوو ئێستا نەیان توانیەوە پڕۆژەیەكی گەورە لە شاری هەریر ئەنجام بدەن.
محەمەد ئیسماعیل دەڵێت" هەریر لە ناحیەوە خەریكە دەبێت بە گوند، بۆیە پێمان باشە هەموو بەرپرسەكانی هەریر، بگۆڕدرێن لەبەر چەند هۆكارێك، تەواو نەكردنی زانكۆی كشتوكاڵی هەریر، كە شوێنەكەشی ئاماددەیە." كارگەر قتووبەندی ئاوەتەماتەی هەریر، لە كوردستان تاكە كارگەیە دەبوا دەمێكە بەرپرسانی شار هەوڵی وەگەڕ خستنەوەیان بدابایە، زۆرشتی تر لە هەریر هەیەو سەرەتا بڕیاری لەسەر دەدرێت و دواتر چاوپۆشی لێدەكرێت، نمونەش رێكنەخستنەوەی بازاڕی هەریر، لەرووی نرخ و وەستانی ئۆتۆمبێڵی دوكاندرەكان كە هۆكاری سەرەكی ئەو جەنەجالیەی شارن، ئایە حكومەت لەو شارە دەستی ناڕوات چیە دەبێ خۆیان وەڵام بدەنەوە."
ئەوەشی گووت" تاكوو ئێستا هەریر كێشەی گەورەی ئاوی هەیە نەتوانراوە چارەسەر بكرێت و خەڵك بە ئارەزوی خۆی زێدەڕۆی كردۆتە سەر تۆڕەكانی ئاو." ئاوڕ نەدانەوە لە گەنج لەلایان حكومەت و حیزب كە لای هەموومان دیارو ئاشكرایە كۆمەڵێك گەنجی خۆبەخش یاریگای خرواتانیان بەكار هێنا بۆ زیندوكردنەوەی وەرزش لەو دەڤەرە، پێم وایە ئەو قسانەی باسم لێوەكردن نیشانەی ئەوەیە بەرپرسەكانمان لاوزبونە یاخوود حكومەت خۆی نایەوێت خزمەتی ئەو شارە بكات.
پرسیارە گرنگە ئەوەیە ئایە حكومەت دەیەوێت گۆڕانكاری لە پۆستە حكومیەكان بكات یاخوود تەنها دەنگۆیەكەو هیچی ترنا؟
بە پێی ئەو زانیاریانەی دەست زاری كرمانجی كەووتوون، حكومەتی هەرێم دەیەوێت گۆڕانكاری لە پۆستە حكومیەكان بكات، سەرەتا لە بەڕێوەبەرە گشتیەكان دەست پێدەكات و دواتر ئەم گۆڕانكاریە پۆستەكانی تریش دەگرێتەوە هەر بەڕێوەبەرێك و بەرپرسێك زیاتر لە چوار ساڵ لە پۆستەكەی مابێتەوە لادەدرێت.

زۆرترین بینراو