هونەرمەندانی كوردستان لە كەرەنتینەدا بەهۆی كۆرۆنا لە كارە هونەرییەكان دانەبڕاون

هونەرمەندانی كوردستان لە كەرەنتینەدا بەهۆی كۆرۆنا لە كارە هونەرییەكان دانەبڕاون

رەمەزان هەرنی – زاری كرمانجی : هونەرمەندانی هەرێمی كوردستان لەماوەی كەرەنتینە بەهۆی ڤایرۆسی كۆرۆنا لە ماڵەوە زیاتر سەرقاڵی خوێندنەوەی پەرتووك بوونە لە پاڵ بەردەوامیدان بە كارە هونەرییەكانی، بەهۆی ئەوەی نزیكەی دوومانگە تەواوی كوردستان قەدەغەی هاتووچۆ راگەیێنراوە چالاكییە هونەریەكان وەك بەشەكانی تر ژیان وەستان جگە لە دروستكردنی چەند كورتە فیلم و درامایەك كە لەم ماوەیە پەخشدەكرێن لەشاشەی تیڤیە كوردیەكان".
ئەڤین عەبدوڵای ئەكتەر، بە زاری كرمانجی راگەیاند" ڤایرۆسی كۆڕۆنا هۆكارێك بوو بۆ وەستاندنی چالاكی و جمۆجۆڵی هونەری لە كاتێكی دیاریكراودا،بەڵام نەبۆتە هۆی راگرتنی یەكجاری‌ خۆلیای جوانی هونەر، لەسەردەمی كۆڕۆنا و كەرەنتینتە دووبارە هونەر جۆش ‌و خرۆشێكی مرۆڤانەی‌ بە خۆی دایەوە، تەوژمی هونەر دوای كۆڕونا تەوژمێكی بەهێز‌ دەبێ جوانتر دەبێت و روانینی تازەی بۆ ژیان دەبێ كە ئەمەش سودێكی كۆڕۆنا بوو".
شێوەكار چۆڤین تاهیر سەبارەت بەمە بە زاری كرمانجی گووت" لەگەڵ بڵاوبوونەوەی ڤایرۆسی كۆرۆنا چەندین پرۆژە و كاری هونەری وەستان و نەمانتوانی بەردەوامی بە كارە كانمان بدەین، من سێ‌ كاری هونەریم لەبەر دەستە كە بەهۆی كۆرۆناوە نەمتوانی بەردەوامی پێ‌ بدەم و رامگرتن ،بەڵام دوا جار تەندروستی مرۆڤ لە هەموو شتێك گرنكترە ، زیانی كۆرۆنا ئەوە بوو كەچەندین كەس تووشبوون و كۆچی دواییان كرد لەهەمانكاتدا چەندین خێزان بەهۆی نەبوونی كارو داهات تووشی كێشە بوون ، بەڵام كۆرۆنا سوودیشی هەبوو بۆە هۆكاری ئەوەی جارێكی تر مرۆڤ خۆی بدوزێتەوە پێشتر بەهۆی كار و راكردن بەدوای ژیان خۆمان وونكردبوو ، لەماوەی كەرەنتیندا لەماڵەوە كارە هونەریەكانم بەردەوام ئەنجامداوە ژمارەیەك تابلۆی نوێم دروست كردووە لەگەڵ نووسینی چەندین بەرهەم بۆ دوای ئاسایی بوونەوەی ژیان كە ژمارەیەك دەقی شانۆیین" .
مۆزیكژەن رێبوار عەبدوڵا، بە زاری كرمانجی راگەیاند" ڤایرۆسی كۆرۆنا راستە ڕێگر بوو لە چالاكی و فیستیڤاڵە هونەریەكان یاخود بۆ قوتابیانی هونەر لە ناوەندەكانی خوێندن لە كۆلێژو پەیمانگەی هونەریەكان، بەڵام لەهەمانكاتدا دەرفەتێكی باش بوو بۆ راهێنان لە ماڵەوە بۆ موزیك ژەنان و شێوەكاران بە كێشانی تابلۆی رەنگاو رەنگ. بۆ من دەرفەتێك بوو كە چەندین كتێبی هونەریم هەبوو لە كتێبخانەكەی ماڵەوە كاتم نەبۆ بۆخوێندنەوە بەڵام لە كاتی كەرەنتینی گشتیدا توانیم بیانخوێنمەوە، بەڵام ڤایرۆسەكە خۆی كوشندەیەوە هەڵبەت زیانی زیاتر بووە ".

 

زۆرترین بینراو