هەفتەی داهاتوو بۆندس لیگا دەست پێدەكاتەوە

هەفتەی داهاتوو بۆندس لیگا دەست پێدەكاتەوە

زاری كرمانجی- ئاژانسییە هەواڵییە وەرزشییەكان: بە شێوەیەكی فەرمی رابیتەی خولی بۆندس لیگای ئەڵمانیا دوای وەرگرتنی رەزامەندی حكومەت و یانەكانی ئەڵمانیا رۆژی 16ی ئەم مانگەیان بۆ دەستپێكردنەوەی یارییەكانی ئەم وەرزەی خولی بۆندس لیگای ئەڵمانیا دیاریكرد.
رابیتەی خولەكانی ئەڵمانیا بڕیاریدا خولی پلە یەك و دووی تۆپی پێی ئەڵمانیا كە لە چوارچێوەی رێكارەكانی رێگرتن لە ڤایرۆسی كۆڕۆنا هەڵپەسێردرابوو، لە نیوەی دووەمی مانگی ئایار بەبێ ئامادەبوونی هاندەران دەست پێدەكاتەوە.
تا ئیستا لە ئەڵمانیا 1724 پشكنین بۆ یاریزانان و راهێنەران و دەستەی كاڕگێری و كارمەند و كرێكارانی یاریگەكان ئەنجامدراوە، كە تێیدا 10 حاڵەتی پۆزەتیف بوونی هەیەو هەڵگری ڤایرۆسەكەن.
خولی بۆندس لیگای ئەڵمانی تەنها 9 هەفتەی ماوەو تا ئێستاش یانەی بایرن میونخ بەجیاوازی چوار خاڵ لەگەڵ دۆرتمۆند پێشەنگی یانەكانی ئەو وڵاتەی گرتووە.

زۆرترین بینراو