وادەی گۆڕانكاری مۆڵەتی شوفێران لە هەرێمی كوردستان ڕاگەیەندرا

وادەی گۆڕانكاری مۆڵەتی شوفێران لە هەرێمی كوردستان ڕاگەیەندرا

شوان ئەمین_زاری كرمانجی: وتەبێژی هاتووچۆی هەرێم ڕایگەیاند بە دوو قۆناغ لە مانگی داهاتوودا دەست بە گۆڕانكاری لە مۆڵەتی شۆفێریدا دەكرێت.

ئەمڕۆ دووشەممە ۲ـی تشرینی دووەمی۲۰۲۰،عەمید ئەسعەد مەلاكەریم وتەبێژی هاتووچۆی هەرێمی كوردستان ڕایگەیاند:"بڕیارە لە سەرەتای مانگی داهاتوودا گۆڕانكاری بەسەر شێوازی مۆڵەتی شوفێریدا بێت و بە دوو قۆناغ گۆڕانكارییەكە ئەنجام دەدرێت، قۆناغی یەكەم لە سەرەتای مانگی داهاتوودا جێبەجێ دەكرێت، كە شوفێر لە رێگەی نووسینگەكانی مەشقەوە فێری شوفێری دەكرێن و دواتر لە رێگەی فۆڕمێكەوە داوای دەرهێنانی مۆڵەتی شوفێری لە هاتووچۆ دەكەن".
ناوبراو باسی لەوەشكرد:" لە قۆناغی دووەمدا شێوازی دەرهێنانی مۆڵەتی شوفێری لە سەرتاسەری هەرێمی كوردستان یەك دەخرێت و بە شێوازێكی نێودەوڵەتی و ستاندارد مۆڵەت بە هەر كەسێك دەدرێت ببێتە شوفێر و سیستەمی پێشوو جێبەجێ ناكرێت".

لەكۆتایشدا وتەبێژی هاتووچۆی هەرێم ووتی:"كە ئێستا لە چەند بەڕێوەبەرایەتییەك بە كوردی لەسەر مۆڵەتی شوفێری نووسراوە و ئەوانەیشی ماون لە قۆناغی داهاتوودا هەموو مۆڵەتەكان دەكرێن بە كوردی و پڕۆژەكە بە تەواوەتی جێبەجێ دەكرێت".

بیروڕا

زۆرترین بینراو