پاڵپشت به‌ جێبه‌جێكردنی یاسای چاكسازی یه‌كه‌ی ژمێریاری یه‌كه‌كانی 70 و 80 خرایه‌ سه‌ر وه‌زاره‌تی پێشمه‌رگه‌

پاڵپشت به‌ جێبه‌جێكردنی یاسای چاكسازی یه‌كه‌ی ژمێریاری یه‌كه‌كانی 70 و 80 خرایه‌ سه‌ر وه‌زاره‌تی پێشمه‌رگه‌

زاری كرمانجی - پاڵپشت به‌ جێبه‌جێكردنی مادده‌ی ده‌یه‌م له‌یاسای چاكسازی حكومه‌تی هه‌رێمی كوردستان، یه‌كه‌ی ژمێریاری یه‌كه‌كانی 70 و 80 خرایه‌ سه‌ر وه‌زاره‌تی پێشمه‌رگه‌.

له‌ ڕاگەیاندراوێکی وەزارەتی پێشمەرگە هاتووه‌، له‌بریارێكدا به نوسراوی ‌ژماره‌ 7959 له‌رۆژی 21ی ئه‌یلولی 2020 پاڵپشت به‌ جێبه‌جێكردنی مادده‌ی ده‌یه‌م له‌یاسای چاكسازی حكومه‌تی هه‌رێم، بۆ رێكخستنه‌وه‌ی یه‌ك یه‌كه‌ی ژمێریاری هاوبه‌شی سه‌ربازی، به‌ واژووی شۆڕش ئیسماعیل، وه‌زیری پێشمه‌رگه‌ی حكومه‌تی هه‌رێمی كوردستان بڕیاری رێكخستنه‌وه‌ی یه‌كه‌ ژمیریاریه‌كانی یه‌كه‌ی 70 و 80ی درا.

هاوكات به‌پێی بڕیاره‌كه‌ یه‌كه‌ی هاوبه‌شی ژمێریاری بۆ سه‌رجه‌م هێزه‌كان خرایه‌ سه‌ر وه‌زاره‌تی پێشمه‌رگه‌، به‌و پێه‌ش ‌، هاوتای هێزه‌ هاوبه‌شه‌كانی سه‌ربه ‌وه‌زاره‌ت، ته‌واوی مووچه‌و بودجه‌ی هه‌ردوو یه‌كه‌كانی 70 و 80 له‌رێگه‌ی به‌ڕێوه‌به‌رایه‌تی گشتیی ژمێركاری بودجه‌و به‌رنامه‌كان ( ژمێریاری سه‌ربازی) له‌ژێر ووردبینی فه‌رمانگه‌ی چاودێری دارایی سه‌ر به‌وه‌زاره‌تی پێشمه‌رگه‌ ده‌بێت. ئه‌مه‌ش ئاماژه‌ بۆ كراوه‌ له‌ مادده‌ی ‌ 3 ناو یاسای ژماره‌ 19 ی ساڵی 2007ی وه‌زاره‌تی پێشمه‌رگه‌.

به‌ جێبه‌جێكردنیشی به‌پێی مادده‌ 10ی یاسای چاكسازی، فه‌رمانگه‌ی چاودێری دارایی به‌هاوبه‌شی له‌گه‌ڵ میلاكاتی به‌ڕێوه‌به‌رایه‌تی گشتی بودجه‌و ژمێركاری سه‌ر به‌وه‌زاره‌تی دارایی و ئابووری، له‌ژێر رۆشناییی فه‌رمانی ‌ وه‌زیری پێشمه‌رگه‌ ووردبینی و پێداچوونه‌وه‌ به‌خزمه‌تی سه‌ربازی سه‌رجه‌م هێزه‌كانی سه‌ر به‌و یه‌كانه‌ ده‌كرێت، هه‌روه‌ك دۆسیه‌ی كه‌سی بۆ ته‌واوی هێزه‌كان به‌هه‌موو پێدوایستییه‌ یاساییه‌كانه‌وه دروستده‌كرێت.

زۆرترین بینراو