پاڵەوانانی پلە یەك و دووی رواندز خەڵاتكران

پاڵەوانانی پلە یەك و دووی رواندز خەڵاتكران

 

زاری كرمانجی-رواندز: شەوی هەینی رابردوو لە هۆڵی یانەی وەرزشی رواندز خەڵات و دیاری بەسەر پاڵەوانانی هەردوو پلە یەك و دووی تۆپی پێ رواندز دابەشكران, بە ئامادەبوونی زۆرێك لە وەرزشدۆستان و یاریزانە دێرینەكانی رواندز و هەرچوار تیپی یەكەم و دووەمی هەردوو خولی پلە یەك و پلە دووی رواندز كە سەر بە لیژنەی تیپە میللیەكانی رواندزن، ئەمەو تیپی كرێكاران پلەی یەكەمی خولی پلە یەكەكانی و تیپی گەردەگەرد دووەمی خولەكە لەلایەن ئامادەبووان و كۆمپانیای هەردی خەڵات و دیارییان پێشكەشكرا دواتر لەناو ئاپۆڕای جەماوەرە وەرزشدۆستەكە جامەكەیان بەرزكردەوە, تیپی ئاكۆیانیش بە پلەی یەكەم و تیپی نەورۆز بە دووەم لە تیپەكانی پلە دوو خەڵاتكران, بۆ ئەم مەبەستە عیسا محەمەد سەرۆكی یانەی وەرزشی رواندز لە لێدوانێكدا بۆ هەفتەنامەی زاری كرمانجی ئەركی لیژنەكەی بەرز نرخاندو گووتی" وەرزش لە رواندز پێشكەوتنی بەرچاوی بەخۆیەوە بینیوەو لیژنەی تیپە میللیەكانی رواندز و دەستەی ناوبژیوانان دەورێكی باشیان هەیە لە رێكخستن و بەڕێوەبردنی خولەكان, پێویستە دەستخۆشیان لێ بكەین و هاوكاریان بین بۆ زیاتر بەرزكردنەوەی ئاستی وەرزش و بەردەوامیدان بە خزمەتكردنی لاوەكانمان لە رەوتی وەرزش".
شایانی باسە كۆی خەڵات و دیارییەكان لەلایەن كۆمپانیای هەردی دابین كرابوون و هەڵدێر سەردار وەك نوێنەری كۆمپانیاكە ئامادەی مەڕاسیمەكە بوو.

بابەتى پەیوەندیدار وەرزشى

زۆرترین بینراو