پڕۆژەی گەشتیاری لە چیایی حەسەنبەگ ئەنجام دەدرێت

پڕۆژەی گەشتیاری لە چیایی حەسەنبەگ ئەنجام دەدرێت

زاری كرمانجی-سۆران: بەڕێوەبەری گەشتوگوزاری سۆران، ئاشكرای دەكات " كە چیایی حەسەنبەگ خراوەتە پلانی گەشتوگوزار بۆ ئەوەی پڕۆژەی گەشتیاری تێدا جێبەجێ‌ بكرێت.
بارزان محەمەد، بەڕێوەبەری گەشتوگوزاری سۆران رایگەیاند " چیایی حەسەنبەگ، لەدەڤەری سۆران یەكێكە لە شوێنانەی كە لەناو ماستەر پلانی گەشتیاری هەرێمی كوردستان دایە، كە وەبەر هێنانی تێدا ئەنجام بدرێت، هەروەها لە ساڵی 2013 لەلایەن كۆمپانیایەكی لوبنانی دیزاینی بۆكراوە لەگەڵ چەندین شوێنی دیكەی هەرێمی كوردستان و لەبەرنامەدایە كە كار لەسەر ئەم پڕۆژەیە بكرێت".
گووتیشی " لەم هەفتەی رابردوو تیمێكی ئەندازیاریمان سەردانی چیایی حەسەنبەگیان كرد، بۆ ئەوەی رێگاكەی بەشێوەیەكی باش نۆژەن بكەینەوە، لەگەڵ چەندین خزمەتگوزاری دیكەی پێویست، بۆ ئەوەی ئاسانكاری بۆ گەشتیاران و هاووڵاتییان دروست بێت، چاوەڕوانی ئەوەین بكرێتە تەندەرر و دەست بە ئەنجامدانی پڕۆژەكە بكەین".
چیای حەسەنبەگ دەكەوێتە باكوری رۆژهەڵاتی شاری سۆران، بەهۆی سەرەنج راكێشی شوێنەكەو بەفر بارین، بەتایبەت لە رۆژانی پشوو هەزاران گەشتیار و هاووڵاتی رووی تێدەكەن، گەشتیاران داوا دەكەن بایەخ بەم شوێنە بدرێت لە رووی ئەنجامدانی پڕۆژەی گەشتیاری چاككردنی رێگاو بانەكانی ناوچەكە".

 

زۆرترین بینراو