پۆلیسی شارەوانی سۆران روونكردنەوەیەك بڵاودەكاتەوە

پۆلیسی شارەوانی سۆران روونكردنەوەیەك بڵاودەكاتەوە

ڕوونكردنەوەیەك بۆ ڕای گشتی:
سەبارەت بەو وێنەو ڤیدیۆیەی لە سۆشیال میدیا بڵاو بۆتەوە، هەر كەس و لایانێك بەمێشكی خۆیان لێكدانەوەی جیاجیای بۆ دەكات، بەڵام ڕاستی ڕووداوەكە ئەوەیە كە مەفرەزەكانی بەشەكەمان و كارمەندانی شارەوانی بەشی زێدەڕۆیی بەمەبەستی هەڵگرتنی زێدەڕۆیی مەڕ و ماڵات و خانووی زێدەڕۆ دەرچوون بۆ گەڕەكی قەندیل لەشاری سۆران، كە هاووڵاتیەك بەناوی (ج-ص-م) بە فرسەتی زانی بوو، كە حكومەت قەدەغەی هاتووچۆی ڕاگەیاندووە كارمەندان زیاتر سەرقاڵی بازگەو شەقامەكانی ناوشار بوون، ناوبراو هەستابوو بە دروستكردنی خانووێك بەشێوەی زێدەڕۆیی، دوای ئەوەی لە شارەوانی سكاڵایان لەسەری تۆماركرد، مەفرەزەكانمان لە نەهێشتنی زێدەڕۆیی روویان كردە شوێنەكە، كەچی بەداخەوە موختاری گەڕەكەكە بەناوی (م-م-ع) هانی ژن و پیاوانی داوە ڕێگری بكەن، لەهەڵگرتنی زێدەڕۆیەكەو لەئەنجامدا گرژی دروست ئەبێت لە نێوان پۆلیس و خەڵكەكە و كەسێك بەناوی (ج-م-م ) بەپارچەبلۆكێك كارمەندێكی ئێمەی زامدار كرد، ئێمەش پەڕاومان بۆ ڕێكخستن و هەرسێ تۆمەتبارەكەمان بەبڕیاری داوەری لێكۆڵینەوە دەستگیركرد".
دڵنیایی دەدەین بەهاووڵاتیان، هەركاتێك لە شارەوانی سۆران سكاڵاییان تۆماربكەن، لە دژی هەركەسێك و هەرشوێنێكی زێدەڕۆیی، ئێمە ڕێكاری یاسایی دەگرینەبەر لەڕێگای داداگاوە شتەكان یەكلا دەكەینەوەو بەناوی بەڕێوەبەری بەشەكەمان خۆشی لەگشت كارمەندە ماندوو نەناسەكانمان دەكەین.

 

 

 

زۆرترین بینراو