چه‌ندین مین له‌نێو بردران

چه‌ندین مین له‌نێو بردران

زاری كرمانجی-سۆران:
لەلایەن تیمی لەناو بردنی مین و تەقەمەنییەكانی سەربە بەڕێوەبەرایەتی گشتیی كاروباری مینی هەولێر، چەندین جۆر مین لە بناری چیایی حەسەنبەگ لە دەڤەری سۆران پوچەڵكرانەوە.
رابەر ئەنوەر، بەرپرسی راگەیاندنی بەڕێوەبەرایەتی گشتی كاروباری مینی هەولێر، رایگەیاند، لەبەردەوامی كارو چالاكیەكانی تیمەكانی دەزگای بۆ لەناو بردنی مین و تەقەمەنییەكان بۆ پاراستنی گیانی هاووڵاتیان، لەچالاكیەدا لەلایەن تیمی لەناو بردنی مین و تەقەمەنییەكانی سەربە بەڕێوەبەرایەتی گشتیی كاروباری مینی هەولێر، لە بناری چیایی حەسەنبەگ لە دەڤەری سۆران، زیاتر لە (40) جۆر مین لە نێوانیاندا (2)ی مین لە جۆری دژە تانك، بەشێوەیەكی سەركەوتووانە كۆكرانەوەو هەڵگیرانەوە، دوای پوچەڵكردنەوەیان لە شوێنەكە دوورخرانەوە".
ئەوەشی خستەروو " سەرجەم ئەم مین و تەقەمەنیانەی لەم شوێنانە دەدۆزرێنەوە، دەگوازرێنەوە بۆ ناوچەیەكی سەلامەت و دوور لە ئاوایەكان و دەتەقێنرێنەوەو لەناو دەبردرێن.

زۆرترین بینراو