چین و توێژەكانی كوردستان 15 ساڵەی دامەزراندنی دەزگای زاری كرمانجی پیرۆز دەكەن

چین و توێژەكانی كوردستان 15 ساڵەی دامەزراندنی دەزگای زاری كرمانجی پیرۆز دەكەن

رەمەزان هەرنی – زاری كرمانجی : رۆژی 19-6-2005 دەزگای زاری كرمانجی ، وەك دەزگایەكی سەربەخۆی رۆشنبیری و راگەیاندن لە قەزای سۆران دامەزراوە، ماوەی 15 ساڵە بەردەوام بووە, لەو ماوەیەدا بۆ بە دەرگایەك بۆ گەیاندنی كێشە كان و چارەسەركردنیان بوو بە پەنجەرەیەك بۆ بینینی خۆیان جگە لەوە سەدان رۆژنامەنووسی پێگەیاندووە , زاری كرمانجی لە هەفتەنامەیەك بەناوی (زاری كرمانجی) كە هەموو رۆژانی دووشەممە دەردەچێت و تا ئێستا 636 ژمارەی لێ‌ دەرچووە لەگەڵ وێب سایتێكی 24 كاتژمێری كاراو رادیۆیەك, رۆژی 19ی هەنگاوی نا بۆ ناو 16 ساڵەی تەمەنی.
رۆژنامەنووس بارزان سلێمان مزووری لە ساڵیادی دامەزراندنی زاری كرمانجی دا گووتی" پیرۆزبێت یادی 15 ساڵەی دامەزراندنی دەزگای زاری كرمانجی بۆ رۆشنبیری و راگەیاندن، لەو 15 ساڵەی كاركردنی دەزگاكەدا جگە لە تۆماركردنی چەند پەرەیەك لە مێژووی رۆژنامەگەری كوردی دا لە هەمانكاتدا بووە بە زمانحاڵی هاووڵاتیانی كوردستان بەگشتی و دەڤەری سۆران و قەزاكانی دەورووبەر بەتایبەتی، راگەیاندنی كوردی بەگشتی بەهۆی نەبوونی پاڵپشتی كێشەی هەیە بەڵام زاری كرمانجی بەرگەی هەموو ناخۆشییەكانی گرت بۆ ئەوەی متمانەی خوێنەر و گوێگرانی خۆی لەدەست نەدات هیوادارم لە ساڵی نوێی تەمەنی خۆی دا زاری كرمانجی چۆن ئێستا بەردەوامە بتوانێت زیاتر كاربكات بۆ گەیاندنی گشت پەیامێك و هەموو چین و توێژێك وەك ئێستا خۆی تێدا ببینێتەوە".
هونەرمەندی شێوەكار و شانۆكار چۆڤین تاهیر لە یادی دامەزراندنی زاری كرمانجیدا گووتی" هونەر ناسنامەی گەلانە، ئەوەی من لە ماوەی رابردوو تا ئێستا لە دەزگای زاری كرمانجی بەدیم كرد بێ‌ جیاوازی بیرۆرا و بە بەردەوامی كات و شوێنی زۆر بە بواری هونەری تەرخانكراوە بەو هۆیەوە بووە بە زمانحاڵی هونەرمەندان هەفتانە كۆمەڵێك هونەر كەلەبواری جیاوازدا كاردەكەن پرۆژەكانیان لەسەر لاپەرەكانی زاری كرمانجی بڵاو دەبنەوە جگەلە وەی بەردەوام لە وێب سایت گرنگی بەبواری هونەری دراوە هیوادارین ئەگەر توانای زیاتر نیە بەم شێوەیە بەردەوام بن بۆ نیشاندانی دەنگ و رەنگی هونەرمەندان بە كۆمەڵگا".
رزگار زەكەریا پێشمەرگەی رۆژانی سەخت و دژوار لە یادی زاری كرمانجی دا گووتی" پیرۆزبایی لە تەواوی ستافی زاری كرمانجی دەكەم هیوای بەردەوامی و بەرە و پێشچوونی زیاتر بۆ ئێوە دەخوازین ، رۆژانێك ئێمە لەسەنگەركاندا بووین بۆ بەرگری كردن لە خاك و ئاڵای وڵاتەكەمان زاری كرمانجی هەمیشە دەنگ و رەنگی گەیاندنی پەیامی پێشمەرگە بوو بەردەوام پەیامی سەركەوتنی پێشمەرگە بەڕووی هاووڵاتیان بڵاو دەكردەوە ، ماوەیەك بوو هەفتەنامەی زاری كرمانجی ژیاننامەی پێشمەرگە و شەهیدەكانی بڵاودەكردەوە داواكارم ئەو گوشەیە بكرێتەوە بە بەردەوامی و هەرجارە و یادەوەرییەكانی شەهیدێك یان پێشمەرگەیەك بڵاوبكەنەوە ، 15 ساڵە شۆرەشێكتان كردووە هیوای بەردەوامی بۆ ئێوە دەخوازم".
دكتور رۆناك جاف لە یادی زاری كرمانجی دا گووتی" پیرۆزبایی 15 ساڵەی دامەزراندنی دەزگای زاری كرمانجی بۆ رۆشنبیری و راگەیاندن لە ستافی كار دەكەم لە تەواوی رۆژنامەنووسانی ئەو دەزگایە دەكەم هیوای بەردەوامی و بەرەو پێشچوونی زیاتر بۆتان دەخوازم ، من بەوپێەی زیاتر لە بواری خێرخوازی كاردەكەم زاری كرمانجی هەمیشە پاڵپشت و یارمەتیدەربووە لەگەڵمان بۆ گەیاندنی پەیامی هەژارو نەدارەكانی وڵاتەكەمان هیوادارم دەزگای زاری كرمانجی لەسەر رێچكە جوان و پیشەییانەی خۆی بەردەوامبێت" .
هیرش هەسنانی روژنامەنوس و چالاكوان لەم بارەیەوە گووتی" دەزگای زاری كرمانجی بو راگەیاندن ‌و روشنبیری لەسوران كەچەندین بەشی لەخوی گرتووە دیارترینیان، رادیۆ, ماڵپەر، هەفتەنامە, بووە بەچەترێك بۆ كۆ كردنەوەی روژنامەنووسان‌ و راگەیاندنكاران‌ و چالاكوانان, زاری كرمانجی قوتابخانەیەكی گەورەیە بو پێگەیاندنی دەیان كادیری راگەیاندن بە شانازیەوە منیش قوتا بی ئەم قوتابخانەیەم 2007یەكەمین بابەتم لە هەفتەنامەی زاری كرمانجی بڵاو كرایەوە 2013 بووم بەئامادەكارو پیشكەش كاری بەرنامە لەرادیۆی زاری كرمانجی بە شانازیەوە تا ئێستاش بەردەوامم, لەساڵیادی دامەزراندنی گەرمترین پیروزبای ئاراستەی بەرێوەبەری گشتی و بەرێوەبەری رادیۆ و ستافی هەفتەنامە دەكەم".

 

 

زۆرترین بینراو