چەند كەسایەتێكی ناحیەی خەلیفان (100) تۆن قیڕ پێشكەش بە پڕۆژەیەكی سنوورەكە دەكەن

چەند كەسایەتێكی ناحیەی خەلیفان (100) تۆن قیڕ پێشكەش بە پڕۆژەیەكی سنوورەكە دەكەن

زاری كرمانجی-خەلیفان: پارێزگای هەولێر گوژمەیەك بۆ رێگای كەمەربەندی خەلیفان تەرخان دەكات و چەند كەسایەتیەكی ناوچەكەش زیاتر لە 100 تەن قیڕ دەبەخشن.
مەغدید عەریف ئەحمەد، بەڕێوەبەری ناحیەی خەلیفان، بە زاری كرمانجی راگەیاند " لە بەردەوامی كارو پڕۆژە خزمەتگوزارییەكانمان، بەمەبەستی چاكردنەوەو قیڕتاوكردنی رێگای كەمەربەندی سەنتەری ناحیەكەمان، دواكاریمان ئاراستەی سەرووی خۆمان كرد، خۆشبەختانە لەلایەن پارێزگاری هەولێر، گوژمەیەكمان بەبری 25 ملیۆن بۆ تەرخانكرا، بەهاوكاری كەرتی 2ی چاكردنەوەو پاراستنی رێگاو بانی هەولێر، دەستمان كرد بە چاكردنەوەو نوژەنكردنەوەی شەقامەكە".
بەڕێوەبەری ناحیەی خەلیفان، گووتیشی " بە پێویستی دەزانین دەستخۆشی لە چەند كەسایەتێكی سنوورەكەمان بكەین، بەتایبەت (فەرحان قادر شكفتی، حاجی محەمەد واحید بناوی، فاخیر حەسەن كەریم، مەلا جەعفەر، عەلی سەلیم) كە (100) تۆن قیڕیان بۆ پڕۆژەكەمان دابین كرد.

زۆرترین بینراو