ژووری ئۆپەراسیۆنی قەزای مێرگەسۆر چەند بریاری نوێ دەردەكات

ژووری ئۆپەراسیۆنی قەزای مێرگەسۆر چەند بریاری نوێ دەردەكات

رەمەزان هەرنی – مێرگەسۆر :ژووری ئۆپەراسیۆنی بەرنگاربوونەوەی ڤایرۆسی كۆرۆنا لەقەزای میرگەسۆر لەژیر رۆشنایی بەیاننامەی ژمارە ٥٢ ی وەزارەتی ناوخۆی حكوومەتی هەریمی كوردستان و راسپاردەی پارێزگای هەولیر بۆ سەلامەتی و پاراستنی گیانی هاووڵاتیان وخۆپارێزی لە نەخۆشی ڤایرۆسی كۆرۆنا بریاری بەجێبەجێ كردنی ئەم خاڵانەی خوارەوە لەرۆژێ ٢٨/١٠/٢٠٢٠ درا.
غەفوور ئەحمەد، قایمقامی قەزای مێرگەسۆر بە زاری كرمانجی راگەیاند : خاوەنكارو دونكاندارو سۆپەرماركێت وسەرجەم شوێنەكانی فرۆشتنی كەلوپەل وپێداویستی پێویستە پابەند بن بە بەستنی ماسك و هیچ كریارێكیش نابێت بێ ماسك بچێتە شوێنەگشتیەكان و دوكان وسۆپەرماركێتەكان بە پێچەوانەوە سزادەدرێت وشوێنەكەی بو یەك هەفتە دادەخرێت .
گوتیشی : رێگا بە هاتووچۆی هیچ جۆرە ئوتومبێلێك نادرێت كە شوفێر وسەرنشینەكانی ماسكیان نەبەستبیت لەكاتی نەبەستنی ماسك بەپێی یاساسزادەدرێت.
غەفوور ئەحمەد، ئاماژەی بەوەشكرد:" چوونە دەرەوە لەسن ری قەزای مێرگەسۆرو هاتنەناوەوەی ئۆتۆمبێل بێ ماسك قەدەغەیە بە پێچەوانەوە بەپێی یاسا سزادەدرێت٠
قایمقامی قەزای مێرگەسۆر ئەوەشی خستەڕوو:" دانانی پرسەو ئاهەنگ گێران و دروستكردنی قەرەبالغی رێگە پێدراو نییە، پێویستە فەرمانبەران بەشێوەیەكی گشتی پابەندی بەستنی ماسك بن هاووڵاتیان وئەوانەی سەردانی فەرمانگەكان دەكەن پێویستە ماسك ببەستن".

بیروڕا

زۆرترین بینراو