کەشناسی هەرێم هۆشداریی دەدات... لە سنووری قەزاكانی سۆران باران بارین زیاتر دەبێت

کەشناسی هەرێم هۆشداریی دەدات... لە سنووری قەزاكانی سۆران باران بارین زیاتر دەبێت

بەرێوەبەرایەتی گشتی کەشناسی و بوومەلەرزەزانی هەرێم بڵاویکردەوە، هەرێمی کوردستان دەکەوێتە ژێر کاریگەری درێژبوونەوەی نزمە پاڵە پەستۆکانی ( دەریای ناوەڕاست و دەریای سوور و نیمچە دوورگەی عەرەبی).

دەشڵێت، ئەمڕۆ ڕێکەوتی 26-3-2020 سەرەتای هاتنی کاریگەری ئەم شەپۆڵە لەسەر ناوچە جیاجیاکانی هەرێم بەدیار دەکەوێت، باران بە شێوەی پچڕپچڕ لە ناوچە شاخاویەکان دەبارێت سەنتەری پارێزگاکانیش ئەگەری نمە بارانی هەیە.

ئاماژەی بەوەشکردووە، سبەی هەینی لە شەودا کاریگەری ئەم شەپۆڵە کاردەکاتە سەر تەواوی ناوچەکەمان باران بارین لە تەوای ناوچە شاخاویەکان و سەنتەری پارێزگاکان دەبارێت، ناوچە شاخاویەکانی پارێزگای دهۆک وەک (دینارتە ئاکرێ سەرسەنگ ئامێدی کانی ماسی) هەروەها بەشێک لە ناوچە شاخاویەکانی پارێزگای هەولێر وەک (رواندز،سۆران چۆمان حاجی ئۆمەران سیدەکان بارزان مێرگەسوور) بارانیان زیاتر دەبێت.

هەروەها ئەوەی خستووەتەڕوو کە رۆژی شەممە کاریگەری ئەم شەپۆڵە بەردەوامی دەبێت جگە لە باران بارین ئەگەری هاتنی بارستە هەوایەکی تۆزوخۆڵ هەیە بۆ سەر ناوچەکەمان لە هەندێ ناوچە بە شێوەی تۆزوخۆڵ و لە هەندێ ناوچە لەگەڵ باران تێکەڵ دەبێت.

ئاشکرای کردووە، کاریگەری ئەم شەپۆڵە لە رۆژی یەک شەممە لاواز دەبێت و ئاسمان لەو رۆژەدا بە نیمچە هەوری دەمێنێتەوە رۆژی دووشەممە دووبارە لە زۆربەی ناوچەکان باران بارین دەبێت و لە هەمان رۆژ باران بارین کۆتای دێت کاریگەری ئەم شەپۆڵە کۆتای دێت، لە ماوەی ئەم شەپۆڵە پلەکانی گەرما نزم دەبێتەوە و هەندێ جار هەورە تریشقەش دەبێت و ناوچە شاخاویەکانی پارێزگای دهۆک ئەگەری تەزرە بارینەی هەیە .

زۆرترین بینراو