گوژمەیەك بۆ چاككردنی رێگای (سۆران-سیدەكان) تەرخان دەكرێت

گوژمەیەك بۆ چاككردنی رێگای (سۆران-سیدەكان) تەرخان دەكرێت

زاری كرمانجی-سیدەكان: ئەنجوومەنی وەزیران زیاتر لە 190 ملیۆن دینار بۆ سیانەكردن و چاككردنی رێگاو بانەكانی سیدەكان تەرخانكردووە لەداهاتوودا دەست بەئەنجامدانی پڕۆژەكە دەكرێت.
ئیحسان چەلەبی، بەڕێوەبەری شارەدێی سیدەكان سەربە قەزای سۆران، بە زاری كرمانجی راگەیاند " دوای هەوڵە بەردەوامەكان توانراوە رەزامەندی ئەنجوومەنی وەزیران وەربگیرێت، بە تەرخانكردنی 727 ملیۆن دینار، بۆ چاككردنەوەی رێگاو بانەكانی سیدەكان و دەوروبەری، لەو گوژمەیەش بری 190 ملیۆن دینارمان تەرخانكردووە، بۆ چاككرنەوەی رێگای سەرەكی (سۆران-سیدەكان)".
گووتیشی " بۆ ئەنجامدانی پڕۆژەی چاككردنەوەی رێگای (سۆران-سیدەكان) و رێگاو بانەكانی دیكەی سنوورەكەمان، چاوەڕوانی تێپەڕبوونی وەرزی زستان و ئەم كەش و هەوایە دەكەین، ئەوكات دەست دەكەین بەچاكردنی رێگاو بانەكان".

زۆرترین بینراو