گەیلان سادق: بۆ نێو یاریگا تەنها پاڵپشتی یاریزانان و هاندەرانم دەوێت

گەیلان سادق: بۆ نێو یاریگا تەنها پاڵپشتی یاریزانان و هاندەرانم دەوێت

 محەممەد مەحموود – سۆران :
هەڵبژاردەو یانەو تیپەكان كاتێك گۆڵپارێزێكی بوێرو لێهاتوو لە گۆڵەكەیان بێت، ئەگەر هێلی بەرگریشیان وەك پێویست نەبێت ترسیان لە هێڕشەكانی بەرامبەریان نییە، زۆرجار گۆڵپارێزەكان رۆڵێكی زۆر گرنگ دەبینن لە سەركەوتنی تیپەكانیان و كەچی وەك پێویست ناویان ناهێندرێت.
گەیلان ساق، گۆڵپارێزی یانەی وەرزشی سۆران یەكێكە لەو گۆڵپارێزانەی هەركاتێك لەگۆڵ بێت هاندەران و یاریزانان دڵخۆشترن لەناو یاریگا، ئەو گۆڵپارێزە لە دیمانەیەكی زاری كرمانجی وەڵامی چەند پرسیارێك دەداتەوەو دەڵێت" لە منداڵییەوە خولیای وەرزشكردنم هەبوو، ئەمە وایكرد بێمە ناو جیهانە جوانەكەی وەرزش، یاری تۆپی پێ‌ یاریەكی كراوەیە تەواوی دونیا سەیری دەكات، تۆپی پێ‌ یەكێكە لەو یارییانەی دەتوانی تێیدا هەست بە دڵخۆشی بكەی".
گەیلان دەشڵێت" سەرەتا لە تیپی باپشتیان دەستم كرد با یاری كردن  كە تیپێكی میللییە،  تاماوم شانازی بەو تیپە دەكەم، لە تەمەنی هەرزەكاریدا یاریزان بووم، بەڵام دواتر ئارەزوویەكی ترم هەبوو كە بتوانم شوێنی یاریكردنی خۆم بگۆڕم بۆ گۆڵپارێز، تا ئێستاش سەركەوتوو بوومە لەو شوێن گۆڕینە".
گۆڵپارێزەكەی یانەی سۆران باس لەوەش دەكات چەند كەسێكی نزیك لە یانەی سۆران پێیان گوتم وەرە بۆ یانەی سۆران ، یەكێك لەوانەش كاپتن ئیدریس بووە كە زۆر هەوڵی داوە كە گەیلان پەیوەندی بە یانەی سۆرانەوە بكات و گەیلانیش دەڵێت " منیش چووم بۆ یانەی سۆران و  تا ئێستاش بەردەوامم و گرێبەستەكەشم بۆماوەی  یەك ساڵە لەگەڵ یانەكەم، بەر لە گرێبەستەكەم چەند مەرجێكم هەبوو بۆ یانەكەم ئەوانیش بۆیان جێ‌ بەجێ‌ كردم".
گەیلان گووتیشی " ئیمە لە یانەی سۆران وەك یەك خێزان واین هەموومان لە پێناو یەك ناو ئەجەنگین ئەویش یانەی سۆرانە یانەی دایك ،هەموو هێڕش بەرەكانیش یاریزانی باشن و ئاستیان لێك نزیكە،كاتێك گۆڵپارێز گۆڵی لێ دەبێت هەستێكی زۆر ناخۆشە، بەڵام ئەبێت بەردەوام بیت و كۆڵ نەدەی، لە گەیلانمان پرسی كاتێك بەتەنیا هێرشبەرێك رووبەرووت دەبیتەوە چۆن مامەڵە دەكەی؟ لەوەڵامدا گووتی" كاتێك بەتەنیا هێرشبەرێك رووبەرووم دەبێتەوەو من لەگۆڵ بم ، هەست بەمتمانەیەكی تەواو دەكەم و ئەو هەستە وام لێدەكات هێڕشەكە كۆنتڕۆڵ بكەم ئەگەر بەتەنیا شبم و یاریزانانی بەرگری لە هێلەكەم دووربن".
لە كۆتاییدا گەیلان سادق  گۆڵپارێزی یانەی سۆران گووتی"بەسێ‌ گۆڵپارێزی جیهانی سەرسامم ئەوانیش هەریەكە لە نۆیەر و بۆفۆن و كاسیاسن بۆ نێو یاریگاش تەنها پاڵپشتی یاریزانان و هاندەرانم دەوێت.

زۆرترین بینراو