یانەكانی ئەوروپا دەستیان بەئامادەكاری كردوە بۆ وەرزی نوێ

یانەكانی ئەوروپا دەستیان بەئامادەكاری كردوە بۆ وەرزی نوێ

جەلال سەعید

زاری كرمانجی- لەكاتی تەواوبوونی هەر وەرزێك لە تۆپی پێدا، یاریزانانی سەرجەم یانەكانی ئەوروپا جگە لە یاریزانەكانی سەرقاڵ بە بەشداریكردن لەگەڵ هەڵبژاردەكانیان كە پاڵەوانیەتی و خولێكیان لە پێش بێت، پشووی خۆیان لە گەشتەكان بەسەر دەبەن بەتایبەت لەكەنار دەریاو نێو دەریایەكاندا پشووی خۆیان دەبەنە سەر، دوای پشوو و لە سەرەتای مانگی حەفت بەرەو یانەكانیان دەگەرێنەوە بۆ خۆ ئامادەكردن بۆ وەرزی داهاتوو و نوێ، لەگەڵ ئەمەشدا گواستنەوە یاریزانان و كرین و فرۆشتنی یاریزانان لە زۆربەی یانەكانی دەست پێدەكات.
ئەمساڵیش وەك هەموو ساڵانی رابردوو، لەگەڵ نێزیكبوونەوەی وەرزی نۆێ و داهاتوو، یانەكانی ئەوروپا بە تایبەت یانەكانی پێنج خولە گەورەكە، دەستیان بەخۆئامادەكردن كردوە بۆ ئامادەباشی تەواو تاكو بتوانین لە وەرزی تازەدا ململانێ و ركابەری بە ئاستێكی بەرز و بەهێز بكەن. یانە سەركەوتووەكانی وەرزی رابردوو بەچاوی باشتربوون و بەهێزتربوون پلان و بەرنامەی ئامادكارییەكانیان دارشتووەو بەمەشق و راهێنان و ئەنجامدانی یارییەكانی ئامادەكاری و دۆستانەش ئەنجام دەدەن.
یانەكانی شكەستخواردو دەست بە تاڵ لە وەرزی رابردووش بەئومێدی گەرانەوە و راستكردنەوەی هەڵەكانی وەرزی رابردوو كار دەكەن، بەرنامەو ئامادەكاری چرتریان خستۆتە كاری مەشق و راهێنانەكانی خۆیان. زۆربەی یانەكان لە گەشتی هەمە چەشنن بۆ ئەنجامدانی كەمپی مەشق و راهێنان و ئەنجامدانی یارییەكانی دۆستانە و ئامادەكاری. هەر یانەیەك بەپێی بیرو هزرو بەرنامەی تایبەت بەخۆی گەشتەكانیان بۆ ئەو مەبەستە رێكخستووە.
ئەمریكا و ژاپۆن و چین بەشێكن لە پلان و بەرنامەی یانە بەهێزەكانی وەك ریال مەدرید و بەرشلۆنا و لیڤەرپول و مان سیتی و مان یونایتد و چێڵسی و یوڤینتۆس و ئینتەر میلان و پاریس سانجێرمان و بایرن میونخ و تۆتنهام و ئەتلاتیكو مەدریدو سەرجەم یانەكانی دیگەی ئەوروپا. پێدەچیت وەرزی ئەمساڵ خول و پاڵەوانیەتیەكان بەهێزتر و توندتر بن لە پێناو بە دەست هێنانی جام و نازناوەكانی خولەكانی ناوخۆیی و چامپۆنسلیگ و خولی ئەوروپا.

بابەتى پەیوەندیدار وەرزشى

زۆرترین بینراو