یونیسێف ستایشی كردنەوەی كەناڵی پەروەردەیی لە هەرێمی كوردستان دەكات

یونیسێف ستایشی كردنەوەی كەناڵی پەروەردەیی لە هەرێمی كوردستان دەكات

لە راگەیەندراوێكدا یونیسێف لە ماڵپەڕەكەی ئاماژەی بەوەكردووە، نزیكەی یەك ملیۆن و 500 منداڵ لە پۆلەكانی یەك تا 12، مەنهەجی خوێندنیان لە رێگەی كەناڵێكی ئاسمانی لەبەردەستە، بەوانەشەوە كە ئاوارە و پەنابەرن.
یونیسێف بە گرنگییەوە باس لە كەناڵی پەروەردەیی دەكات و نووسیویەتی، كەناڵەكە بە زمانەكانی كوردی، عەرەبی و سریانی كارەكانی پێشكەش دەكات و سوودی بۆ ئەو قوتابیانە هەیە كە دەستیان بە ئینتەرنێت ناگات. هۆشیاركردنەوەی قوتابیان لەبارەی ڤایرۆسی كۆرۆنا و چۆنیەتی خۆپاراستنیشیان، بە كارێكی پێویست و گرنگ دەزانێت.
بەگوێرەی داتاكانی یونیسێف، داخستنی قوتابخانەكان، كاری كردووەتە سەر 10 ملیۆن قوتابی لە عێراق.
كەناڵی پەروەردەیی، جیا لەوەی وانەی قۆناغە جیاكان لە رێگەی مامۆستایان پەخش دەكات، لە رێگەی پەیجی فەرمی خۆی، وانە، خشتە و رێنماییەكان بڵاودەكاتەوە.

زۆرترین بینراو