یەكێتی ئافرەتان راهێنان بە كادیرانی دەكات

یەكێتی ئافرەتان راهێنان بە كادیرانی دەكات

محەمەد ئامۆكەیی: یەكێتی ئافرەتانی كوردستان لە هەولێر، راهێنان بە كادیرەكانی دەكات لە رێگەی چەند خولێكی پێگەیاندنەوە.
ناسك سەید، بەرپرسی راگەیاندنی سكرتاریەتی یەكێتی ئافرەتان، بۆ زاری كرمانجی گووتی" لەبەردەوامی كارو چالاكیەكانیماندا هەستاین بە كردنەوەی خولێكی فێربوونی پڕۆگرامی (microsoft excel ) بۆ كادیرانمان لە مەكتەبی سكرتاریەت و ئەنجومەنەكان، دواتر لە رێوڕەسمێكدا بڕوانامەی دەرچونمان بە بەشداربوان بەخشی، وێڕای دەستخۆشی و خواستنی هیوای سەركەوتن ئومێدەواربووین، كە بەشداربووان بە تەواوی سودیان لە خولەكە بینیبێ و زانیاری نوێیان خستبێتە سەر ئەزمونی كار و زانینیان، بە شێوەیەك لە ئاست و ئەدای كاریان ڕەنگبداتەوە.
ئەوەشی خستەڕوو" یەكێتی ئافرەتانی كوردستان بەردەوام دەبێت لەسەر بەرنامەی تواناسازی كە لە پەیڕەوی نوێی ڕێكخراودا وەك پێشمەرجی پێشكەوتنی كۆمەڵگە دایناوە لەسەر ئاستی كادیرانی خۆی بە هەموو ڕێگاكانی پێگەیاندن بە ئامانجی زیادكردن و یەكخستنی تواناكان بۆ زیاتر بەرەوپێشبردنی ڕێكخراو هەروەها بۆ هەموو ئافرەتانی كوردستان بە هەر شێوەیەك كە لە توانایدا بێت.

زۆرترین بینراو