دەرماڵەی قوتابییانی زانکۆ و پەیمانگەکان دەگەڕێتەوە؟

دەرماڵەی قوتابییانی زانکۆ و پەیمانگەکان دەگەڕێتەوە؟

محەممەد مەحموود- تایبەت بەزاری كرمانجی : بریکاری وەزارەتی خوێندنی باڵاو توێژینەوەی زانستی حکومەتی هەرێمی کوردستان دەڵێت :بارو دۆخی دارایی باش بێت دەرماڵەی قوتابییانی زانكۆ وپەیمانگەكان دەگەڕێتەوە.

لەم بارەیەوە دكتۆر عەبدولفەتاح عەبدولڕەزاق، بریكاری وەزارەتی خوێندنی باڵاو توێژینەوەی زانستی بە زاری كرمانجی راگەیاند" بابەتی دەرماڵەی قوتابییانی زانكۆ و پەیمانگەكان لەسەر توانای دارایی حكومەت رادەوەستێت، ئەوەی روونیشە بارو دۆخی داریمان وەك پێویست نییە، لەگەڵ ئەوەی ئێستا لەبەغدا سلفەیەك دێت، بەڵام ئەوەش هەر بەشی مووچەی فەرمانبەران دەكات.

بریكاری وەزارەتی خوێندنی باڵا گووتیشی" ئەگەر بێت و بارو دۆخی دارایی حكومەت باش بێت ئێمە وەك وەزارەت داوامان كردووە، ئەو بڕیارە وەزارەتی خوێندنی باڵا نایدات بەڵكو وەزارەتی دارایی و باشبوونی دۆخی ئابووری حكومەتی هەرێمی كوردستان ئەو بڕیارە دەدەن، هەركاتێكیش بارودۆخی دارایی لەباربوو دەرماڵەی قوتابییانی زانكۆ و پەیمانگەكان دەگەڕێتەوە.

زۆرترین بینراو