سۆران بردییەوە و هەڵۆش دۆڕا

سۆران بردییەوە و هەڵۆش دۆڕا

محەممەد مەحموود – زاری كرمانجی 
لە دەستپێكی یارییەكانی خولی نایابی كوردستان بۆتۆپی پێ، یانەی سۆران لە ناو یاریگا و هاندەرانی  خۆی سێ خاڵی بەدەستهێناو هەڵۆش بەشەقڵاوە دۆڕا.
یانەی وەرزشی سۆران لە یەكەم یاری خۆیدا لە خولی نایابی كوردستان بەهۆی دواكەوتنی ئۆتۆمبێلی فریاكەوتن نزیك بوو لەوەی بێ‌ ئەوەی یارییەكە ئەنجام بدات بە دۆڕاو هەژمار بكرێت، ئەمەش یاریزانان و دەستەی كارگێڕی هاندەرانی تووشی بارێكی دەروونی ناخۆش كرد.
لەم بارەیەوە فەرمان ئیسماعیل، بەرپرسی راگەیاندنی یانەی وەرزشی سۆران بە زاری ركانجی راگەیاند" لەیەكەم یاریمان لە خولی نایابی كوردستان، گرفتێكمان هاتە پێشەوە ئەویش دواكەوتنی ئۆتۆمیبَلی فریاكەوتن بوو، دوای 15 خولەك ناوبژیوان فیكەی كۆتایی یارییەكەی لێدا ئێمەش ناڕازی بووین بەو بڕیارەی ناوبژیوان، چونكە نەدەكرا بەهۆی نەبوونی ئۆتۆمبێلی فریاكەوتن یارییەكە ئەنجام نەدرێت و ئێمە بە دۆڕاو هەژمار بكرێن".
زیاتر گووتی" ئێمە لەگەڵ تەندروستی سۆران هەماهەنگیمان هەیە، دیاربوو ئەو رۆژە ئۆتۆمبێلی فریاكەوتن دواكەوت بۆ یاریگا بە هۆی هاتنە پێشی بابەتێكی فریاكەوتن، لە سۆرانیش گرفتی كەمی ئۆتۆمبێلی فریاكەوتن هەیە و ئێمەش بەناو بژیوانمان گووت یارییەكە دەستپێبكات، وەك یانە پابەندین بە هەر سزایەك بەهۆی نەبوونی ئۆتۆمبێلی فریاكەوتن كە بۆمان دیاری بكرێت نەك لە یارییەكە بە دۆڕاو هەژمار بكرێین، دوای ئاگادار كردنەوەی یەكێتی تۆپی پێی كوردستان لەو بابەتەو هەبوونی نوێنەریان لەناو یاریگا، گووتیان هەبوونی بابەتێكی لەم شێوەیە نابێت یاری دوابخات، دوو بژاردەمان خستە بەردەم یانەی سیروانی نوێ‌ یاریكە بكرێت یا بخرێتە رۆژی دواتر، سیروانی نوێ‌ رازی بوون بەوەی یارییەكە بخرێتە رۆژی دواتر كەچی یەكێتی تۆپی پێی كوردستان گووتیان ئێمە خەرجی مانەوە نادەین و لەسەر خۆتانە، ئەوەبوو یاریزانانی یانەی سیروانی نوێ‌ هاتنەوە ناویاریگاو یارییەكە ئەنجامدرا"
فەرمان ئیسماعیل ئەمەشیی روونكردەوە" دوای كۆتایی هاتنی یارییەكە یانەی سیروانی نوێ‌  بیانووی ئەوەیان دەهێنایەوە كەوا یاریگا تاریك بووە و رووناككەرەوەكانی ناو یاریگا وەك پێویست نەبوونە بەهۆی ئەوەی یارییەكە لە كاتی دیاریكراوی خۆی دەستی پێنەكرد بەهۆی دواكەوتنی ئۆتۆمبێلی فریاكەوتن، ئێمەش گووتمان گەر بۆئێوە تاریك بووە ئێمەش بەهەمان شێوەی ئێوە بووینەو یاریشمانكردووە".
بەرپرسی راگەیاندنی یانەی سۆران گووتیشی تاڕادەیەك لە ئاستی یانەكەمان رازی بووم بەڵام دەبێت بۆ یارییەكانی داهاتوو باشتر خۆمان ئامادەبكەین ، هەرچەندە تووانیمان یارییەكە بە ئەنجامی 2-1 ببەینەوە و سێ خاڵی گرنگ بە دەست بێنین لە یەكەم یارییدا دەستخۆشی بۆ تەواوی یاریزانان و ستافی هونەری و گشت هەوادارانی یانەكەمان، گۆڵەكانی یانەی سۆرانیش لە لایەن هەریەكە لە یاریزانان علا‌و عەدنان، ئیدریس حوسێن تۆماركران ".
لەیارییەكی تری هەمان خول و پاڵەوانییەتی یانەی هەڵۆ بە ئەنجامی 2-0 بە یانەی شەقڵاوە دۆڕا. 

زۆرترین بینراو