ئەربیلوا: ریالی زێدان لە بەرشەی گواردیۆلا باشترە

ئەربیلوا: ریالی زێدان لە بەرشەی گواردیۆلا باشترە

زاری كرمانجی- ئاژانسییە هەواڵییە وەرزشییەكان: ئەلڤارۆ ئەریبلواش وەك سەرجەم یاریزانەكانی تر لە لایڤێك، باسی لە كۆمەڵێك بابەتی كرد كە لە ژیانی وەرزشی كردو بەراوردی بەرشەلۆنەی گواردیۆلاو ریال مەدریدی زێدان و مێسی و رۆناڵدۆی كرد.
ئەلڤارۆ لە سەرەتای قسەكانی ئاماژەی بە ریال مەدریدی زێدان و بەرشەلۆنەی گواردیۆلای كرد و گووتی" ریال مەدریدی زێدان باشتر بوو لە بەرشەلۆنەی گواردیۆلا نازناوەكان شاهێدی ئەمە دەدەن ئەوە روونە لای هەموان، زێدان توانی سێ نازناوی چامپیۆنزلیگ لەسەر یەك بباتەوە، ناكرێت چامپیۆنزلیگ ببەیەوە باش نەبی"
ئەربیلوا دەربارەی مێسی و رۆناڵدۆ گووتی" هەردوو یاریزان خاوەن عەقلیەتی گەورەن، بەڵام پێموایە رۆناڵدۆ باشترە، من 7 ساڵ لێی نزیك بووم، دەمزانی چ بەهرەمەندێكە، لەوە گەیشتم چۆن خۆت درووست دەكەی، جگە لەوەی وەك دڕندە یاری دەكرد, لە كاتە سەختەكان یارمەتی یانەكەی دەدا، لەگەڵ هەموو یانەكانیش نازناوی بردۆتەوە".
دەربارەی پرسیاری ئەوەی ئایا راهێنەرایەتی بەرشەلۆنە دەكات لە داهاتوو، ئەربیلوا گووتی" بە دڵنیایەوە بەرشە ئەگەر بە بێ راهێنەر بەشداری پاڵەوانەتیەكان بكات، بە من ناڵێت بۆ راهێنەرایەتی یانەكە لەگەڵ رێزم بۆ بەرشەلۆنەو هاندەرەكانی، بەڵام هیچ كامێكیان پێشبینی ئەوە ناكەن ئەمە روو بدات".

زۆرترین بینراو