بەڕێوەبەری راگەیاندنی وەزارەتی كار و كاروباری كۆمەڵایەتیی حكوومەتی هەرێمی كوردستان رای گەیاند، پێدانی بیمەی بێكاری بۆ دەرچووانی زانكۆ و پەیمانگەكان تەنیا بۆ ماوەی 6 مانگە و روون نییه ئاخۆ پرۆژهكه درێژ دهكرێتهوه یاخۆ نا.
عەباس ئەكرەم ئەمڕۆ دووشەم بە ئاژانسی كوردستان بۆ دەنگوباس (ئاكانیوز) ی راگەیاند "تا ئێستە لە سنووری پارێزگەی سلێمانی 13 هەزار دەرچووی زانكۆ و پەیمانگەكان كە هیچ جۆرە كارێكیان نییە لە وەرگرتنی بیمەی بێكاری بۆ دەرچووانی زانكۆ و پەیمانگەكان سوودمەند بوون".
ئەكرەم گوتی "لە هەولێریش پتر لە 6 هەزار و لە پارێزگەی دهۆكیش 8 هەزار لە بێكارانی دەرچووی زانكۆ و پەیمانگەكان دەیانگرێتەوە".
روونی كردەوە "لە 1 ئەیلوول/سێپتێمبەری ساڵی رابردوو یەكەم بیمەی بێكاری كە 150 هەزار دینارە بۆ بێكارانی دەرچووی زانكۆ و پەیمانگەكانى سلێمانى بە رێكوپێكى خەرج كراوە، بەڵام لە چەند رۆژی رابردوودا هاوكاری مانگی ئەیلوول و تشرینی یەكەم/ئۆكتۆبەری رابردوو بە سەر بێكارانی دەرچووی زانكۆ و پەیمانگەكانی پارێزگەی دهۆك و هەولێر دابەش كرا".
هەروەها گوتی "بڕیار وایە بێكارانی هەولێر و دهۆك لە داهاتوودا هاوكاریى مانگەكانى 11 و 12 و 1 و 2یان بە قۆناغ بۆ خەرج بكرێ".
ئەوەشی ئاشكرا كرد "سەرەتا كە حكوومەتی هەرێم رەزامەندی نیشانداوە بە پێدانی 150 هەزار دینار مانگانە بۆ هەر بێكارێكی دەرچووی زانكۆ و پەیمانگەكان تەنیا بۆ ماوەی 6 مانگ دەبێ، واتە لە مانگی ئەیلوول/سێپتێمبەری ساڵی رابردوو تا مانگی ئادار/مارس دەبێ، لە بەر ئەوە لە مانگی ئادار دوا هاوكاری بە بێكاران دەدرێ و پاشان دێتە بڕین".
گوتیشی "تا ئێستە نازانین كابینەی داهاتووی حكوومەتی هەرێم پێدانی ئەو بڕە هاوكارییە بۆ بێكارانی دەرچووی زانكۆ و پەیمانگەكان درێژ دەكاتەوە یان نا، یان لە شوێنی ئەو پرۆژەیەك بە شێوەیەكی تر یاخۆ لە ژێر هەر ناوێكی تر بەردەوام دەبێ یان نا".
ناردنی بابهت
جاری بيندراوی بابهت: 35
.jpg)
