Share on facebook
لە رواندز رۆژی جیهانی شەكرە چاڵاكی تەندرووستی ئەنجامدرا
سێ شەممە, 14 تشرینی دووەم 2017 17:52


سوبحان شكۆ- رواندز : ئەمرۆ سێشەممە 14ی لە نێو سەنتەری شاری رواندز بە بۆنەی رۆژی جیهانی شەكرە پشكنینی شەكرە بۆ هاوڵاتیانی قەزاكە ئەنجام درا.


سەپان قادر بەرێوەبەری كارگێری  نەخۆشخانەی گشتی  رواندز بە زاری كرمانجی راگەیاند:" لە درێژەی كار و چاكیەكانمان ئەمرۆ بە بۆنەی رۆژی جیهانی شەكرە بە هاوكاری بەرێوەبەرایەتی تەندرووستی سۆران و سەندیكاری كارمەندانی تەندروستی لقی سۆران هەڵساین بە ئەنجامدانی پشكنینی شەكرە بۆ زیاتر لە 200 هاوڵاتی و پێدانی رێنمایی دەربارەی ئەم نەخۆشە بە خۆرایی".



له‌لای خۆشیه‌وه‌، مینا ته‌ها به‌رپرسی راگه‌یاندنی به‌ڕێوه‌به‌رایه‌تیی ته‌ندرووستی سۆران به‌ زاری كرمانجی راگه‌یاند" ئه‌مرۆ سێشه‌م، له‌ هه‌ڵمه‌تێكی به‌رفراواندا، بۆ به‌ره‌نگاربوونه‌وه‌ی نه‌خۆشیی شه‌كره‌، پشكنینی شه‌كره‌ و پیوانه‌ی خوێن (به‌رزی و نزمی خوێن) له‌ رواندز بۆ هاووڵاتییان به‌گشتی به‌ هه‌ر دوو ره‌گه‌زه‌وه‌ به‌ خۆڕای ئه‌نجام درا.


14ی تشرینی دووه‌می هه‌موو ساڵێك، به‌ رۆژی جیهانیی نه‌خۆشی شه‌كره‌ ناسراوه‌، دیاریكردنی ئه‌و رۆژه‌ش له‌ لایه‌ن یه‌كێتیی نێوده‌وڵه‌تی بۆ نه‌خۆشی شه‌كره‌ و رێكخراوی ته‌ندروستیی جیهانی، ده‌گه‌ڕێته‌وه‌ بۆ ساڵیادی له‌ دایكبونی "فردریك بانتین" كه‌ به‌هاوبه‌شی "چارلز بێست" له‌ ساڵی 1922 ئه‌نسۆلینی چارسه‌ری نه‌خۆشی شه‌كره‌ی دۆزییه‌وه‌، كه‌ به‌هۆیه‌وه‌ ژماره‌یه‌كی زۆری ئه‌وانه‌ی كه‌ دوچاری ئه‌و نه‌خۆشیه‌ بوون به‌رده‌وامیان به‌ژیاندا.


به‌پێی ئاماره‌ جیهانییه‌كان، ته‌نیا له‌ ساڵی 2012 نه‌خۆشی شه‌كره‌ هۆكاری سه‌ره‌كیی مردنی پێنج ملیۆن نه‌خۆش بووه‌.