زاری كرمانجی-هەریر: شوفیر و ژینگەپاریزانی كۆمپانیای (هایكلین) لەشارۆچكەی هەریر بەهۆی دواكەوتنی مووچەكانیان دەستیان لەكاركردن هەلگرتبوو, دوای وەرگرتنی مووچەكانیان، دەست بەكار بوونەوە.

زاهیر بناوی، سەرۆكی شارەوانیی هەریر، رایگەیاند، دوای ئەوەی شوفیر و ژینگەپاریزانی كۆمپانیای (هایكلین) بۆ پاككرەوە، بەهۆی دواكەوتنی مووچەكانیان بەشێوەیەكی كاتی چەند رۆژێكە دەستیان لەكاركردن هەلگرتبوو, خۆشبەختانە مووچەی مانگی 10 یان بۆ خەرجكراوەو بەڵێنیان داوە ئەمڕۆ پینج شەممە 21-12-2017 دەست بەكاری ئاسایی خۆیان بكەنەوە، تەنانەت رۆژی هەینیش ناكەنە پشوو تاكو بتوان تەواوی خۆل و خاشاكی بەردەم ماڵ و كۆڵانەكان كۆبكەنەوە".

گووتیشی، جگەلە خەرجكردنی مووچەكانیان لەرێگای (رێكخراوی مرۆڤدۆستان بۆ هاوكاری مرۆی) هەر یەكەو چەند لیترێك نەوتیان بەسەر دابەشكرا، هیواداریشین لەداهاتوودا بتوانین حزمەت زیاتر بەو خەمخۆرانە بكەین.