Share on facebook
شەوی یەڵدا بەچەند چالاكییەك بەرێ كرا
شەممە, 23 کانونی یەکەم 2017 07:12


زاری كرمانجی – شەقڵاوە: سەنتەری رۆشنبیری شەقڵاوە لەكۆتا شەوی پایزو پێشوازی یەكەم شەوی وەرزی زستان، كاتژمێر 8ی شەوی 21-22-12-2017 لە هۆلی هوتێل بەسمەت ئەلسەفیر لە شەقڵاوە بە ئامادەبوونی ژمارەیەمی بەرچاو لە رۆشنبیر و هۆزانڤان و كەس و كاریان شەوێكی تایبەتی شیعری و هونەری بەرێ كرد.
سەیفەددین خالد، سەرۆكی سەنتەری رۆشنبیری شەقڵاوە رایگەیاند " بۆ یادكردنەوەی شەوی یەڵدا و دروست كردنی كەشێكی ئارام هەڵساین بە یادكردنەوەی ئەم شەوە بەشێوازێكی سەردەمی و جیاواز، تیایدا وێرای مەراسیمی واژوو كردنی پەرتوكی خەرمانەی سەنتەرەكەمان بۆ 8 شاعیری لاو، هەروەها پەرتوكی ( هەڵچونێك لە هەواری ئارامی قەرەجان) لە نووسینی زرار سەرتاش، دواتریش كۆری شیعری و گۆرانی بۆ نزیكەی 20 هۆزانڤان بەرێوەچوو".