Share on facebook
هەڵبژاردە گەورەكان بۆنی هاكیان لێدراوە
سێ شەممە, 26 حوزەیران 2018 09:34


جەلال سەعید
مۆندیالی 2018 لە سەرەتایەوە وەك مۆندیالەكانی دیكەی ساڵانی پێشوو خۆی دەر نەخست، هەڵبژاردە گەورەكانی كاندیدبوون بۆ نازناوی پاڵەوانیەتیەكە لە بەرامبەر هەڵبژاردەكانی بچووكی كۆمەڵەكانیان تووشی هاكبوون و شكەستخواردن بونەوە.
زۆربەی هەلبژاردەكانی بەشداربووی جامی جیهانی لە رووسیا بەهیوای دوور رۆیشتن و چاویان لە بەرز كردنەوەی جامی مۆندیالە، بۆیەش یارییەكانی رابردوو بە توند و هێزی و ئاستبەرزی دەركەوتوون، وەك ئەوەی پێشبینی دەكرا لەلایەن شارەزاو جەماوەری تۆپی پێ‌ دەر نەچوو.
گەورەكان لە بەر مێژوو و گەورەیی ناوی خۆیان، ترس و دڵە راوكیان لە یارییەكان پێوە دیار بوو، بچووكەكانیش بە ورەیی لە هیچ نەترسان و لە دەست نەدانی هیچ بەپلان و تەكتیكی بەهێزتر دەركەوتوون و بۆنی هاكبوونیان ئاو پرژێنی بەهێزەكانیان كرد.
راهێنەرانی هەڵبژاردە گەورەكانیش بە دەر نەبوون لەو ترسە، هەڵەكانیان لە شێوازی پلان و تەكتیك و پێكهاتەی هەڵبژاردەكانیان، نەبوونی راهێنەری بە تواناو لێزان و بە ئەزموون لە مۆندیال و پاڵەوانیەتیە بەهێزەكانیش بۆنەتە هۆكار بۆ ئاست نومی و بێعێزی گەورەكان، لە بەرامبەردا راهێنەرەكانی خاوەن هەڵبژاردەكانی بێ‌ نازناو و بچووك، یاریزانانیان بەبیرو هزری لە تۆپی پێ دا گەورە و بچووك نییە و هەموومان لە مەیداندا بە 11 یاریزان یاری دەكەین، بەهێزی و توانای بالادەستی لە جێبەجێكردنی رێنمایی و پلان و تەكتیكی تەندروست ئامانج و ئاوات دەهێنێتە دی، نەك گەورەی و مێژوو.
راستە مێژوو كەسایەتی و ورەت پێ دەبەخشی بەڵام هێز و توانای جەستەی جەنگاوەرانەی نێو مەیدان، گەورەیی و میژووی خاوەن كەسایەتیەكان دەخاتە بەر مەترسی، ترسان لەمیژوو و گەورەی و بوونی خۆیان.
دونیای تۆپی پێ‌ لە مەیدانی یاریگای خۆی یەكلایی دەكاتەوە و دەبێتە خاوەن سەركەوتن و خۆ دەر خستن، ئەگەر مێژوو رۆلی هەبێت لە سەركەوتن و بالادەستی، هێز و توانای جەستەی لاوەكان و هێزو لێزانینی راهێنەرانی نوێ لە دارشتنی پلان و تەكتیكی تازە بەرهەمدار، هۆكارێكە بۆ وەستاندنی مێژوو و گەورەكان.
ئەمەی ئەمجارەش لە موندیالی روسیا2108 بەرچاو دەكەوت و پێشكەشكرا، ئەو راستییەی سەڵماند كە كەسایەتی و گەورەیی و مێژوو بەتەنها ناتوانن هیچ بە هیچ بكەن، بەلكو مەیدان جێگای دەرخستنی ئەو مێژوو و گەورەییە.