Share on facebook
پەروەردەی رواندز رێژەی دەرچوونی پۆلەكانی دوازدەو نۆیەمی بنەڕەتی ڕاگەیاند
دووشەممە, 02 تەمموز 2018 05:11


ZKW: محەممەد مەحموود- دوای راگەیاندنی ئەنجامی تاقیكردنەوەكانی پۆلەكانی نۆ و دوازدەیی ئامادەیی لەلایەن وەزارەتی پەروەردە،لە ئێستادا پەروەردەكانی شارەكان رێژەو ئەنجامی دەرچوون لەم دوو قۆناغەی خوێندن بڵاو دەكەنەوە ، لەسنووری بەرێوەبەرایەتی پەروەردەی رواندز ئاستی دەرچوونی هەردوو  قۆناغی دوازدەی ئامادەیی و نۆیەمی بنەڕەتی بەم جۆرەی خوارەوەبووە ، لەبەشی زانستی رێژەی دەرچوون  %23 و لەبەشی وێژەیش رێژەی دەرچوون % 15 یە ، لەپۆلی نۆیەمی بنەڕەتی % 62 وە دەربارەی قوتابخانە یەكەمانیش ئامادەیی شەمامی كچان لەسەرئاستی پەروەردەی رواندز لەهەردووبەشی زانستی و وێژەیی پلەی یەكەمی بەدەستهێناوەو لەقۆناغی نۆیەمی بنەڕەتیش دواناوەندی شەنگی تێكەڵاو بەرێژەی سەدا سەدی دەرچوون لەپلەی یەكەمە .
لەم بارەیەوە سەدیق سعید بەرپرسی بەشی ڕاگەیاندن لەبەرێوەبەرایەتی پەروەردەی رواندز بۆ زاری كرمانجی ئامارو رێژەیی دەرچوونی سنووری پەروەردەكەی بەم جۆرە ڕاگەیاند " لەسنووری بەرێوەبەرایەتی پەروەردەی رواندز ئاستی دەرچوونی هەردوو  قۆناغی دوازدەی ئامادەیی و نۆیەمی بنەڕەتی بەم جۆرەی خوارەوەبووە ، لەبەشی زانستی رێژەی دەرچوون  %23 و لەبەشی وێژەیش رێژەی دەرچوون % 15 یە ، لەپۆلی نۆیەمی بنەڕەتی % 62 وە ، دەربارەی قوتابخانە یەكەمەكانی سنووری پەروەردەی رواندز سەدیق سعید گووتی " لەسەرئاستی پەروەردەی رواندز قوتابخانەی ئامادەیی شەمامی كچان بەپلەی یەكەم هاتەوە بەهەردووبەشی زانستی و وێژەیی ، هەروەها دواناوەندی شەنگی تێكەڵاویش لەئاستی پۆلی نۆیەم بەپلەی یەكەم هاتووەبەرێژەی سەدا سەدی دەرچوون  لەسەرئاستی پەروەردەی رواندز .