Share on facebook
پۆلیسی سۆران: رووداوه‌كان %9 زیادی كردووه‌
دووشەممە, 09 تەمموز 2018 21:32


دانان شێروانی

بەڕێوەبەرایەتی پۆلیسی سۆران ئاماری شه‌ش مانگی یه‌كه‌می سه‌ره‌تای ئه‌مساڵی راگه‌یاند، به‌پێی ئه‌و ئاماره‌ی راگه‌یه‌نراوه‌، بەبەراورد بەشەش مانگی یەکەمی ساڵی رابردوو رووداو و تاوانەکان زیادیان کردووە.

هاوار ئەرگوشی، وتەبێژی پۆلیسی سۆران لەکونگرەیەکی ڕۆژنامەوانیدا ئەو ڕووداوانەی لە قەزای سۆران و دەوروبەری ڕوویانداوه‌ خسته‌روو ، کۆی گشتی ڕووداو و تاوانەکانی شەش مانگی رابردوو بریتی بووه‌ لە 212 ڕووداو، بەشێوەیەکی گشتی رووداوەکان زیادیان کردووە بەبەراورد بە ساڵی رابردوو.

ئەرگووشی رایگەیاند لە ماوەی شەش مانگی سەرەتا ئەمساڵدا 6 پیاو خۆیان كوشتوە و رێژەی خۆكوشتنی پیاوان لە شەش مانگی سەره‌تای ساڵی رابردوودا 2 حاڵەت تۆمار كرابوو.

وتەبێژی پۆلیسی سۆران ووتیشی، بۆ دەست بەسەراگرتنی چەکی بێ مۆڵەتك تائێستا هیچ هەماهەنگیەك نەکراوە، بەڵام هێزە ئەمنییەکان کاری خۆیان لەو بابەتە كردووه‌.