Share on facebook
ئەزموونی خوێندن لەزاری مرۆڤەكانەوە
دووشەممە, 08 تشرینی یەکەم 2018 07:57

 

قوتابێكی چۆن بووی لە قوتابخانە ؟لەخوێندن ئەوەی ویستت بەدەستت هێنا ؟ئێستاش ئارەزووی خوێندنت هەیە  زیاتر بخوێنیت ؟چەند ساڵە خوێندنت تەواوكردوە ؟

لەرێگای خوێندنەوە بوویت بەچی ؟ئەمانە ئەو پرسیارانەبوون كە رووبەرووی چەند كەسێكمان كردنەوە بۆئەوەی بزانین مرۆڤەكان چۆن دەستیان بەخوێندن كردوەو تاكوێ‌ رۆیشتوون و لەرێگای خوێندنەوە بوونەتە چی .

ئامادەكردنی : محەممەد مەحموود

كەنعان خەیلانی سەرۆكی فراكسیۆنی پارتی لەئەنجومەنی پارێزگای هەولێر بەم شێوە وەڵامی پرسیارەكانی داینەوە و گووتی "  لەرووی خوێندن باش بووم ، لە رووی هاورێیەتی زۆر حەزم بەهاورێیەتی قوتابیان بوو وە ، كەنعان خەیلانی گووتیشی " بەدڵنیایەوە قۆناغەكانی خوێندن جیاوازیان هەیە، لە سەرەتای بەشێوەیەك بوو لە ناوەندی و ئامادەیش شێوازێكی تر بوو.

سەرۆكی فراكسیۆنی پارتی لەئەنجومەنی پارێزگای هەولێر ئەوساتانەش باسدەكات كە زۆر حەزی پێكردوە لەقوتابخانەو دەڵێت" ئەوی زۆر حەزم لێ بوو ئەو كاتانە بوو كە مامۆستا وەك هاورێك قسەی لەگەڵ دەكردم، ئەوكاتانە بۆمن  دەبووە هاندانێك بۆئەوەی هەوڵی زیاتر بدەم بۆخوێندن ، هەروەها

حەزم لە گۆرانی ووتن بوو ، زۆرجار كەدەچووینە سەیران گۆرانیم دەگووت . لەخوێندن ئەوەی ویستت بەدەستت هێنا؟ بەڵێ بەدڵنیایەوە بەڵام زۆر هیلاك بووم ، ئێستاش ئارەزووی خوێندنت هەیە  زیاتر بخوێنیت؟ خوێندن ئەگەر بۆت مومكین بێت لە هەر دەرفەتێك باشە بخوێنیت بەڵام وەك خۆم لە ئێستادا هیچ نیەتێكم نیە وەلەداهاتووشدا ئیتر نازانم بریار چ دەبیت.

چەند ساڵە خوێندنت تەواوكردوە ؟ ١٤ ساڵە ئامادەیم تەواو كردوە ، ماوەیەك دابرام نەرۆیشتم بۆ زانكۆ سەرقالی ئیش بووم  دواتر گەرامەوە زانكۆ ئەوە شەش ساڵە زانكۆشم تەواو كردیە .

لەرێگای خوێندنەوە بوویت بەچی؟مەرجنیە لە ڕێگای خوێندن ببیت بەشت جا بازرگانیبێت یان مرۆڤێكی سیاسیبێت یانیش هونەری زۆر جار ئەوكەسانەی شت بەدەست دێنن كەمتر لە خوێندن بوونە بەڵام خوێندنی بەشی زانستی جیاوازە چونكە ئەبێت علمەكە وەك خۆی بێت .

وە خوێندنیش لە كەسێكەوە بۆ كەسێكی تر دەگۆرێت هەیە لە رێگای خوێندن ناو بانگ پەیدادەكات هەشە بەبێ خوێندن ناو بانگ پەیدادەكات . من بۆ خۆم خوێندن بە پشتگیریەكی مەعنەوی دادەنێم .

مامۆستا مزەفەر عومەر كە بۆ مێژوو وەكو یەكەم بەرێوەبەری پەروەردەی رواندز دەست بەكاربوو لە ئێستاشدا سەرپەرشتیاری كارگێریە لە پەروەردەی رواندز بەم جۆرە باسی خوێندنی خۆی دەكات و دەڵێت" عەجول و زە یرك بووم لە قوتابخانە ،لە خوێندن ئارەزوم كۆلێژی یاسا بوو ،بەڵام بەهۆی بەعسی نەبوونم وەرنەگیرام، لەساڵی 1988كۆلیژم تەواو كرد دەربارەی ئەوەی كە ئاخۆ لە ئێستاشدا ئارەزوی خوێندن لای مامۆستا مزەفەر ماوە گووتی " تەمەن ئەوەندە نەماوە ،ئەگینا ئارەزووم هەیە بخوێنم ، لە ساییەی خوێندنیش بوم بەهەموو شت،یەكەم پێشمەرگەی شاخ  كادری سیاسی وكادری ئیداری.

پەیمان عوسمان كە ئێستا مامۆستایەو بەرێوەبەری باخچەێكی منداڵانە گووتی" زیرە ك بووم ، بەڵام ئەوەی من ئارەزورم دە كرد بە دە ستم نەهێنا، لە نەوەتوشەش پەیمانگای مە ڵبە ندیم تە واو كرد،  لەساڵی  1999دامەزرام وەك مامۆستا ، بۆزیاتر درێژەدان بەخوێندن چومە وە پە یمانگای راهێنان وگە شە پێدان ئە مساڵ تە واوم كرد،ئێستا بە رێوەبەرم لە باخچە ی منداڵان.