سۆران، سەرتاشی حەزی خۆمە دەمەوێت پەرە بەكارەكەم بدەم چاوەڕێی دامەزراندن لەحكومەت ناكەم
دووشەممە, 05 تشرینی دووەم 2018 07:25

 


 

یەكێك لەم گەنجە بەهرەمەندو دەست ڕەنگینانە، سۆران (حەلاقە)لەم دیمانەیەدا ئاشناتان دەكەین بەكارو پیشەكەی سەردانی دوكانە بچكۆلانەكەمانكرد لەگەرەكی ئازادی شاری سۆران .(سۆران حەلاق) پێشوازی گەرمی لێكردینن دانیشتین لەسەر كورسی سەرتاشی لەكاتێك دا سۆران حەلاق ،سەرقاڵی چاككردنی قژم بوو ،هەندێك پرسیارمان ئاراستەكرد ئەویش  بەدەست كاری دەكرد و بەدەمیش وەڵامی پرسیارەكانی داینەوە.

دیمانە: هێرش هەسنانی -سۆران

بابزانین سۆران حەلاق كێیە؟

من ناوم سۆران عیزالدین اسعدە ، ناسراوم بەسۆران حەلاق لەساڵی 1993 لەگوندێكی بناری چیای حسن بگ لەدایك بوومە، خوێندنی بنەڕەتی و ئامادەیم لەگوندەكەم تەواو كردوە، دواتریش بەشی كارگێریم لەپەیمانگای تەكنیكی سۆران تەواو كرد لەساڵی 2015.

لەكەیەوە زانیت بەهرەی دەست رەنگینیت هەیە؟

هەرلەوكاتەی لە ئامادەی دەم خوێند لەگوند زۆر حەزم لەپیشەی سەرتاشی بو بۆیەدوای خوێندنی پەیمانگا بەشداری خولێكی سەرتاشیم كرد، لەسەرەتایی ساڵی 2016 كە لەرێكخراوی نوهات بەڕێوەچوو، خۆش بەختانە بڕوانامەم بەدەست هێنا، دواتر بەهاوكاری چەند هاوڕێ یەكم دوكانێكی بچكۆلانەم لەگوند دانا بەپێداویستیە سەرەتای و سادەكان ،دواتر كە هەندێك ناسرام پەرەم بەكارەكەم دا لە ئێستاش دا كەدەبینن ئەم دووكانەم بەشێوازێكی مۆدێرن لە گەڕەكی ئازادی سۆران كردۆتەوە.

بابزانین لەڕووی ماددیەوە كێ هاوكارت بووە؟

من سوپاسی هەمو هاوڕێكانم دەكەم كەهاوكاریان كردوم بۆلایەنی ماددی تەنها پشتم بەخۆم بەستوە بۆپشت گیری كردن و هاندانیش ئەسعد احمد زۆر هاندەرم بوو وە كاك عبدالڕزاق یش كە خۆی پێشتر حەلاق بو زۆر هاوكارم بوو لەڕوی پێدانی ڕێنمای و چۆنیەتی راكێشانی سەرنجی مشتەری ،وە زۆر هاورێی تر هاوكارو هاندەرم بوونە.

ئایە هیچ رێخراوێكی ناوەخۆ و دەرەوە هاوكاریان نەكردوی یاخۆت داوات نكردوە؟

بۆ رێخراوەكان نەخێر هیچیان هاوكاریان نەكردوم ،داوام كردوە هیچ نەبێ پێداویستیەكانی دووكانم بۆدابین بكەن یا شوێنێكی گونجاوم بۆ دووكان بۆدابین بكەن، چونكە دووكانەكەم كرێیە بەڵام ئەگەر ئەوانیش هاوكاریم نەكەن خۆم بەردەوام دەبم لەهەوڵدان بەمەبەستی بەرەوپێش بردنی كارەكەم.

سۆران حەلاق جگەلەخۆت چەند كەسیتر لەگەڵت كاردەكەن ؟

كەهاتم بۆشار كارەكەم فراوانتر كرد بۆیەلە ئیستادا كاكە ئاخیر لەلامە وەهاوڕێیەكی تریش داوای كردوە جێگای بۆبكەمەوە،بەڵام توانای ماددیم هێندەنیە بتوانم پێداویستیەكانیان بۆدابین بكەم ،بەڵام هەوڵدەم لەداهاتوودا بتوانم جێگا بۆزیاتر لە دوكەسیش دابین بكەم .

ئەوكەسانە كێن كەسەردانی سۆران حلاق دەكەن؟

هەمو كەسێك كەكاری منی پێجوانبێ سەردانم دەكات هەرچەندە من بەیەك چاو سەیریان دەكەم ،بەڵام هەمو تەمەنێك لە دووساڵی دا تا 75 ساڵیش هاتوونە تەلام، تەنانەت كەسایەتی ناوداریش سەردانی كردوم بەخۆشحاڵیەوە پێشوازی لەهەموو كەسێك دەكەم كەكاری منی پێجوانەو سەردانم دەكات.

قەت وابوە لەبەیانی تا ئێوارە چاوەڕێت كردبوبێت كەس نەهاتبێت بۆسەرتاشین؟

بەڵێ سەرەتا دوو ڕۆژ وام بەسەرهات .

ئەمە سۆرانی توشی نائومیدی نەكرد؟

نەخێر چونكە من ئامانجم زیاتر خزمەت كردنە، ئەگەر ئەوكات بێ ئومێدبووبام ناگەیشتم بە ئەمڕۆ كەهاووڵاتی دێت دەپرسێ سۆران كێیە؟ ئەمە بۆمن هەمو شتە.

ئەم كارانە چین كە لەدوكانەكەتدا ئەنجامی دەدەی؟

بێگومان كارەكانی حەلاق دیارن سەرتاشین،چاككردنی قژ ، داولێدان و چاككردن و تاشینی ڕیش و داهێنانی قژ بەهەمووشێوازێك ،سوپاس بۆخودا لەهەمویان شارەزام ،نرخەكانیشیان دیاری كراوەو لای ئێمە لەشوێنەكانیتر هەرزانترە، دورین لەشارو رەچاوی ژیانی ئەمرۆی هاوڵاتیان دەكەین، بۆسەرتاشین 3 هەزارو بۆ پێویستیەكانیتریش هەزارو دوو هەزار وەر دەگرین،لەژێر چاودێری لیژنەی تەندریستیشدا كار دەكەین  پڕۆژەم هەیەبۆداهاتوو پشت بەخوداو هاوكاری هەموو لایەك كارەكەم فراوانتر بكەم دوكانێكی گەورە لەناوجەرگەی شاردابكەمەوەكاری جوانتر پێشكەش بكەم.

چاوەڕوانی دامەزراندن لەحوكومەت ناكەی؟

نەخێر ئەرگەر بتوانم كارەكەم فراوانتربكەم هەم داهاتی هەیە هەمیش دەتوانم بەم كارەم كەحەزی خۆشمە خزمەتی كۆمەڵگەكەم بكەم كەمندالێك یاگەنجێك یابەساڵاچوێك ڕازیە لەكارەكەم و دەست خۆشیم لێدەكات بۆمن هەمو شتێكە.

دوا پەیامت بۆ دەرچوانی زانكۆ و پەیمانگایەكان تایبەت بۆ ئەوانەی بێكارن چییە؟

بەڕاستی ئەم قسەیەتۆ زۆر بەئازارە كەدەڵێی ئەوانەی بێكارن، بەراستی داواكارم لەگەنجان هەرچاوەڕێنەكەن حكومەت دایان بمەزرێنیت و بیان كات بەخاوەن كار ، پێم وایە خودا هیچ مرۆڤێكی بێبەهرەو بێ سود دورست نەكردوە،بۆیەداواكارم بگەڕێن بەدوای دۆزینەوەی بەهرەكانیانو دەست بكەن بەكار ئەگەر سەرەتا 1 هەزاریش وەرگرن باشترە لەوەی بێكارو بێسود بن خودا مرۆڤی بۆهەوڵدان وكاركردن دروست كردوە نەك بۆ چاوەروانكردن و پاڵ دانەوە، كاریش سەرەتایە دواتر كەناسرای هەم كارت ئاسانتر دەبێ هەمیش داهاتی باشی دەبێت ،زۆر خۆشحاڵیشبوم بەم بەسەر كردنەوەیەڕێكخستنی ئەم دیمانەیە سلاو بۆستافەكەتان و وەخوێنەرەكانیشتان .