به‌ده‌ل به‌ندی : سه‌ردانا ماكرۆن بۆ كوردستانێ هیڤی به‌خش بوو بۆ پێشمه‌رگه‌ی

به‌ده‌ل به‌ندی : سه‌ردانا ماكرۆن بۆ كوردستانێ هیڤی به‌خش بوو بۆ پێشمه‌رگه‌ی

زاری كرمانجی : سه‌ردانا ئیمانۆئل ماكرۆن سه‌رۆك كوماری فه‌ره‌نسا بۆ هه‌رێمی كوردستانێ ئاماژه‌یه‌ بۆ ب هێزیا سیاسه‌تا سه‌ركردایه‌تیا كوردستانێ كۆ بۆیه‌ جهێ گرنگیا سه‌ركردێن جیهانێ.
به‌ده‌ڵ به‌ندی ، جێگرێ به‌رپرسێ میحوه‌رێ رۆژهه‌ڵاتیێ دیجله‌ یێ هێزێن پێشمه‌رگه یێ كوردستانێ‌ بۆ زاری كرمانجی راگه‌یاند :  سه‌ردانا ئیمانۆئڵ ماكرۆن سه‌رۆك كوماری فه‌ره‌نسا بۆ هه‌رێما كوردستانێ ئاماژه‌یه‌ بۆ ب هێزیا پێگه‌هێ سه‌ركردایه‌تیا سیاسا هه‌رێما كوردستانێ و حكومه‌تا هه‌رێما كوردستانێ ئه‌ڤ سه‌ره‌دانه‌ بۆ ته‌ڤایا گه‌لێ كورد گرنگ بوو .
ناڤبری گوتژی : فه‌ره‌نسا په‌یوه‌ندییه‌كا زۆر درێژ هه‌یه‌ دگه‌ل گه‌لێ كوردستانێ ده‌مێ نیزیك چه‌رخه‌كێ یه‌ بێ ڤه‌قه‌تیان فه‌ره‌نسا دوستایه‌تیا گه‌لێ كوردستانێ دكه‌ت به‌رده‌وام پشته‌ڤان بوویه‌و هاریكاریا گه‌لێ كورد كریه‌ ل هه‌موو بواره‌كێ دا ژ ئه‌گه‌رێ په‌یوه‌ندیێن ب هێز یێن سه‌رۆك بارزانی دگه‌ل گه‌لێ فه‌ره‌نسا.
گوتژی : ساڵا 2014 ێ ده‌ما دروستبوونا شه‌رێ دژی داعش ل هه‌رێما كوردستانێ فه‌ره‌نسا رۆله‌كێ مه‌زن هه‌بوو ل پشته‌ڤانیا هێزێن پێشمه‌رگه‌ی كۆ ل دووماهیێ بۆ هه‌موو جیهانێ ئاشكرابوو كۆ ب تنێ پێشمه‌رگه‌یه‌ ب نونه‌رایه‌تیا هه‌موو هێزێن چه‌كدار ل جیهانێ شه‌رێ دژی داعش و ل دووماهیێ ژی هه‌ر لسه‌ر ده‌ستێ پێشمه‌رگه‌ی دووماهی ب رێكخراوا داعش هات.
خویاكر : هه‌رده‌ما كوردستانێ پێدڤی ب فه‌ره‌نسا هه‌بیت فه‌ره‌نسا ده‌ستێ هاریكاریێ بۆ گه‌لێ كورد درێژ كریه‌ ب درێژاهیا مێژوویێ له‌ورا ژی ئه‌ڤ سه‌ره‌دانا سه‌رۆكێ فه‌ره‌نسا جهێ پێزانێن مه‌زنه‌ بۆ گه‌لێ كورد، سه‌رۆكێ به‌رێ یێ فه‌ره‌نسا فرانسو ئۆلاند ل ده‌ما شه‌رێ داهش دگه‌ل جه‌نابێ سه‌رۆك بارزانی سه‌ره‌دانا مه‌یدانی ئه‌نجامدا بۆ سه‌نگه‌رێن پێشمه‌رگه‌ی ژ نیزیك ڤه‌ قه‌هره‌مانیا پێشمه‌رگه‌ی دیت.
ئاماژه‌ ب وێ چه‌ندێ كر ، ب درێژاهیا 100 سالێن بووری فه‌ره‌نسا دوسته‌كێ نزیكی گه‌لی كورد ب گشتی و سه‌رۆك بارزانی ب تایبه‌ت له‌وراژی هه‌رگاڤ فه‌ره‌نسا پشته‌ڤانه‌كا ب هێز بووه‌ بۆ به‌ره‌ڤ پێشبرنا هه‌رێما كوردستانێ تایبه‌ت ژلایێ سه‌ربازی ڤه‌  ئه‌ڤ سه‌ردانا ماكرۆن بۆ كوردستانێ هیڤی به‌خش بوو بۆ پێشمه‌رگه‌ی ، ئه‌و سه‌نگا ل كوردستانێ هه‌یی ژ ئه‌نجامێ سیاسه‌تا سه‌ركه‌فتیا سه‌رۆك بارزانی و سه‌رۆكاتیا هه‌رێمی و حكومه‌تا كوردستانێ یه‌ . كو كوردستان ببیته‌ مه‌یدانا ئیكلاكرنت ئاریشێن نه‌چاره‌كری و كو هه‌موسه‌رۆك و سه‌ركردێن جیهانی بهێنه‌ هه‌ولێرێ.
جێگرێ به‌رپرسێ میحوه‌رێ رۆژهه‌ڵاتا دیجله‌ ئاشكراكر : هێزێن پێشمه‌رگه‌ی ب هه‌ڤكاریا فه‌ره‌نسا شیاینه‌ ل ده‌مێ بووری رووبروویێ مه‌زنترین رێكخراوا تیرۆرستیا جیهانێ بوو شیا سه‌ركه‌فتنێن مه‌زن تۆمار بكه‌ت و خۆ هه‌مبه‌ر چۆ نه‌چه‌مینین.

زۆرترین بینراو