پەروەردەو منداڵ لە كۆمەڵگەی  ئێستای كوردەواری 

 بنار قەرەنی

پەروەردەی منداڵ بەشێكی لە ژیانی ئێمە پێكدەهێنێ منداڵان بنیاتنەری دوا ڕۆژی كۆمەڵگەی كوردەوارین، دەتوانیین بڵێین دەبێتە هونەری مێژووی كۆمەڵگەكەمان بە كوردەواری دەڵێ گەورە دەڕژێنێ بچوك پێ دادەخشێنێ، پەروەردەی منداڵ هێندەش سەخت نییە ئادەمیزاد نەتوانێ لە ئەستۆی بگرێت، جا پێویستە لەسەر مان منداڵان بە پەروەردەییەكی باش پەروەردەیان بكەین چۆن مندڵان ئامۆژگاری بكەی ڕاهاتنی منداڵیش بەمجۆرە دەبێت، جا پێویستە سنوورێك هەبێت و كۆنترۆڵكردنی منداڵان بەجۆرێك بێت نەبێتە نیگەرانی نەوەكانمان بۆ دواڕۆژ و هێندە زیادەڕۆیكردن لەسنوور دەرچوون تێكدانی كۆمەڵگەو شەڕانگێزی كۆمەڵگەكەمان بێت، ببێتە تێكچونی ژیان لەدوا ڕۆژ چونكە ئەم منداڵانەن دەبنە ڕەونەقی كۆمەڵگە و دروستكردنی پەروەردەو  تەندروست بژین، منداڵان پێشوو وایان بیر دەكردەوە دەسەڵاتی باوك لە ئاسمانەوە هاتووە، یا ڕێزگرتنیان لە خواوەییە، ئوسقوفەكانی كلێسا لەمبارەوە بۆ منداڵانی قوتابخانەكان دەدوان دەیان داستانیان دەهۆنییەوە ئەگەر منداڵ ڕێزی باوكیان نەگرن خواوەند سزایان دەدا،وەلێ ئێمە منداڵان فریو نادەین. لە بری ئەوە ئەمڕۆ باوكان لە ئاست كۆمەڵ و یاساكانی بەرپرسن. لەم رووەوە دایكان و باوكان  ئەم سەردەمە گەلێك بەدەسەڵاتن و پێویستە لە ناو ماڵدا دەسڕۆیشتووبن. هەر خێزانێك وەك یەكەیەكی كۆمەڵایەتی لە دووبەشی جیاواز پێكهاتووە. یەكیان رابەرە ئەوەی تر پەروەردەیە دەكرێ، پێویستە هەردووكیان لەسەرخێزانەكانیان كاریگەربن، چۆن بیرلە پرسەكانی پەروەردە بكاتەوە؟؟ ئەوكەسانەی لە شوێنی كارو ناو خەڵك خۆیان بە كورد پەروەر لە قەڵەم دەدەن. بەڵام لەگەڵ كردەوەكانیان رەفتاری ناوخێزان خۆیان یەكناگرێتەوە !! خۆتان لەم پرسە مەبوێرن وامەزانن شتێكی عەقلانی و پاساو هێنانەوەیەكی تراژیدیییە... لە ئێستادا پرسی پەروەردە بەجۆرێك بووە بۆتە هۆی نیگەرانی بۆ منداڵان لەسەر هەموومان پێویستە هەریەك لەلایەك لە چین و توێژەكانی كۆمەڵگەدا ئاگادار بێت چ خێزان یاخود دام و دەزگاكانی ڕاگەیاندن یاخود ڕێكخراوە ناحكومییەكان بتوانن شتێك بكرێت ببێتە جێگای دڵخۆشكردنی نەوەكانمان بۆ دواڕۆژ، ‌چونكە هەموو منداڵان كەس و كاری ئێمەن زۆری مندڵان بەهۆی جیابونەوەی دایك و باوك، یاخود پشت گوێخستنی منداڵ، یاخود بە هۆی كات نەبوون دایك باوك بەهۆی دەووام نەیانتوانیە گفتوگۆبكەن، یا كات بەسەر بەرن یا لە چینی خێزانی هەژارەكان، یا زیادەڕۆی ماددەی و معنەویی با پێكەوە ژیان بەسەر بەرین چیتر ڕۆڵەكانمان نەكەوێتە بەر بارێكی قورس لە گەڵمان بن لە گەڵتانین.

كۆمەڵناس* 

زۆرترین بینراو