گۆڕانکاری لە خشتەی دابه‌شكردنی مووچە دەکرێت

گۆڕانکاری لە خشتەی دابه‌شكردنی مووچە دەکرێت

زاری كرمانجی - ئه‌مڕۆ شەممە  28 ی 8 ی 2021 ، حازم گۆران، بەڕێوەبەری گشتیی خانەنشینیی هه‌رێمی كوردستان له‌ وه‌زاره‌تی دارایی و ئابووری ڕایگەیاند: گۆڕانکارییەک لە وادەی دابەشکردنی مووچەی خانەنشینانی پێشمەرگە کراوە، پێشووتر لەگەڵ خانەنشینانی شارستانی جیاوازییان یەک ڕۆژ بوو، بەڵام ئەو مانگە خانەنشینانی پێشمەرگە و سەربازی لە ناوەڕاستی هەفتە لە لیستی چوارەم، یان پێنجەمی دابەشکردنی مووچە دەبێت.
 راشیده‌گه‌ێنێت: مووچه‌ی خانه‌نشینانی پێشمەرگە و شارستانی بە دوای یەک دەدرا، بەوەش قه‌ره‌باڵغییه‌كی زۆر لە بانکەکان دروست دەبوو، گلەییەکی زۆر هەبوو، بۆیه ئەو گۆڕانکارییە کراوە.
بەڕێوەبەری گشتیی خانەنشینیی هه‌رێمی كوردستان  ئاماژه‌ بۆ ئه‌وه‌شده‌كات، سەرەتا پێشنیاز کرا مووچەی خانه‌نشینانی شارستانی پیش بخرێ، دواتر سەربازی پێش خرا، ڕوونیشی كرده‌وه‌: پارەی مووچەی خانەنشینانی سەربازی له پارەی خانەنشینانی شارستانی زۆرترە، بەڵام دواجار بڕیار درا مووچەی خانەنشینانی سەربازی پێش بخرێ.
ده‌شڵێت، ئه‌گه‌ری هه‌یه مووچه‌ی خانه‌نشینانی شارستانی له‌ هه‌فته‌ی داهاتوودا دابه‌ش بكرێت.

زۆرترین بینراو