گەڕانەوەی پارتی دیموکراتی کوردستان بۆ کەرکوک  گەڕانەوەی شکۆی میللەتێکە

نوسینی /نازم شێخانی 
کاتێک سەیری ڕابردوو دەکەیت ، یان هەرووداو گەلێک لەمێژوودا دەخوێنیتەوە ، ئەوا بەدڵنیایەوە کۆمەڵێک هۆکارت  بۆ ڕوون دەبێتەوە، کە بۆتە هۆی سەرکەوتن و یان کەوتنی گەلان لەجیهاندا، بێگومان یەکێک لە هۆکارەکانی سەرکەوتنی گەلانی ژێر دەستەی دیکتاتۆرەکان ، یەک دەنگی و یەک ریزی ئەم میللەتە بووە ، کەتوانیوەتی سەربەخۆیی خۆی بەدەست بهێنێت ،وەیەکێکی تر لەهۆکارەکان هەبوونی سەرکردە دیارەکانی نێو میللەتەکان بووە بۆ ئەوەی رێبەرایەتی شۆڕشێک بکات  میللەتەکەی رزگار بکات لەژێر دەستەیی گەلانی تر و ڕژێمە داگیر کراوەکان،ئەگەر بۆ مێژوو بگەڕێینەوە کۆمەڵێک سەرکردەی بوێر و بەجەرگ و چاونەترس و پێشمەرگە ئاسا ناویان لەنێو لاپەڕەکانی مێژوو تۆمار کراوە ، وە  بە پێچەوانەشەوە ، هەرکاتێک شۆڕشی میللەتێک شکستی هێنا بێت ، ئەوا بۆ کۆمەڵێک سەرکردەی نابەر پرس و خیانەت کار دەگەڕێتەوە ، لەنیو لاپەڕەکانی مێژوووی کوردیش کۆمەڵێک رودواو گەلی زیندوو تۆمار کراوە ، کەوای کردوە شۆرشەکانی میللەتەکەمان هەرەس پێ بهێنی ، یانیش بۆ بەدەست هێنانی سەربەخۆیی و ئازادی دوا بکەوێت ، نمونەی هەرە زیندوومان کەلەمێژووی نوێ تۆمار کراوە،  روداوەکانی شانزەی ئۆکتۆبەرە.
دوای ئەوەی سەرۆک بارزانی بڕیاریدا بە ئەنجامدانی گشتپرسی  (ریفراندۆم )، بۆ ئەوەی گەلی کوردیش بە  ئاشکرا دەنگی خۆی بگەینێتە هەموو جیهان پێیان بڵێت ، ئێمەش گەلێکین مافی ئەوەمان هەیە لەنێو ووڵاتانی جیهان ئاڵامان هەبێت و خاوەن دەوڵەت و کیانی سەربەخۆیی خۆمان بین و نەکەوینە ژێر ئاڵای هیچ قەوم و نەتەوەیەکی تر ، ئەگەرچی لەلایەن زۆربەی سەرکردەی حزبەکان پێشوازی لە بڕیارە مێژوویەی سەرۆک بارزانی  کرا، بەڵام هەندێکی تر کەوتنە هۆنینەوەی بوختان و پلانیان دادەڕێژت بۆ ئەوەی گشت پرسیەکەی میللەتی کورد سەر نەگرێت و شکست بێنێت ، هەر ئەمەش وای کرد روداوی شانزەی ئۆکتۆبەر درووست بێت ، من باسی خیانەتی هیچ کەسێک و تاقمێک ناکەم ، بەڵام ئەوەی مەبەستمە باسی بکەم ، بەلەدەستدانی شاری کەرکوک چەند ناوچەیەی تری دەرەوەی ئیدارەی هەرێم  بەهۆی شانزەی ئۆکتۆبەر ، شکۆی میللەتی کورد لەوناوچانە شکێندرا و چەندین خەڵکی دڵسۆزی میللەتەکەمان ئاوارەو دەر بەدەر بوو ، تاکە حزبیش کەئەم شارەی جێهێشت پارتی دیموکراتی کوردستان بوو ، چونکە پێیوابوو ناتوانێت لە پارێزگایەکی کوردی کایەی سیاسی خۆی بکات ئەگەر ئازادی تەواو نەبێت، یاخود داگیر کراو بێت ، بێگومان بەغیابی پارتی دیموکراتی کوردستان، میللەتی کورد لە ناوچەکانی کەرکوک دوبزو پردێ کۆمەڵێک زیانی گەورەی کرد ، روداوەکانی پەلکانە و سەپاندنی  پارێزگار بەسەر هاوڵاتیانی شاری کەرکوک ، دوو رووداوگەلی حاشا هەڵنەگرن، هەر ئەمەش وای کرد  زیانی گەورە بگەینێتە  بەدۆزی ڕەوای میللەتەکەمان ، بۆئەنجامدانی هەر بۆنەیەک و موناسەبەیەکی نەتەوایەتی  پێویستی بە ڕەزامەندی پارێزگاری سەپێندراو هەبوو، یاخود هەبوونی زریپۆشە عەسکەریەکانی حکومەت لەو شارە وەک شارێکی داگیرکراو مامەڵەی لەگەڵ دەکرا.
بۆیە ئەمەش وای لە پارتی دیموکراتی کوردستان کرد ، لەدوای شانزەی ئۆکتۆبەر  لەژێر دەسەڵاتی  هیچ تاقم و گرووپەکێک کاری سیاسی خۆی نەکات و تاکە مەرجیشی ئەوە بوە شاری کەرکوک بگەڕێتەوە دۆخی جارانی بەسەربەرزی جارێکی تر ئاڵای پیرۆزی کوردستان لەوشارە بشەکێتەوە و لەژێر ئاڵای کوردستان کاری سیاسی خۆی بکات، نەک هەر کاتێک بۆنەیەکی کوردی بێتە پێش ،پێویستی بەوەرگرتنی مۆڵەت هەبێت تاوەکو ئاڵای کوردستان هەڵ بکات،چونکە  دوای شانزەی ئۆکتۆبەر سەرجەم حزبە  کوردستانیەکان بارەگانیان لەو شارە مایەوە، بەڵام بۆ بچوکترین کار یاخود  هەر بۆنەیەکی نەتەوەیی کوردی بهاتابوایە پێش، یاخود لە سەر بارەگاکانیان ئاڵای پیرۆزی کوردستانیان هەڵبکردابوایە پێویستی بەوەرگرتنی مۆڵەت هەبوو نەیان دەتوانی  بەئازادی هەڵیبکەن ،  بۆیە بەگەڕانەوەی پارتی دیموکراتی کوردستان ، شکۆ و شەرەف بۆ سەرجەم حزبەکانیش گەڕایەوە چ جانەتەوەی کورد ، کە تاوەکو پێش (13) ئەیلول ئەمساڵ لێی بێبەش بوون  .
دوای گەڕانەوەی پارتی دیموکراتی کوردستان بۆشاری کەرکوک و بەئازادی هەڵکردنی ئاڵای کوردستان و بە ووتەنەوەی درووشمی پێشڕەوی کورد پارتیەو سەرۆکمان بارزانیە، شکۆ و سەربەرزی بۆ گەلی کورد گەڕایەوەو جارێکی تر عەرەبە شۆڤینیەکان و تورکمانە ڕەگەز پەرستەکان ناتوانن بەئاشکرا بڕیار لەسەر چارەنووسی میللەتی کورد بدەن، بەڵام بەمەرجەکێک تاکە بەتاکی کۆمەڵگەی کوردی لەشاری کەرکوک هەڵوێستی پارتی دیموکراتی کوردستان بەرز بنرخێنن ودڵنیشام هەر وادەبێت و لەهەڵبژاردنی ئەم جارە سزای ئەم حزبانە دەدات بونە هۆی کەوتنی شاری کەرکوک و بەدەنگەکانیان پشتیوانی خۆیان لەکاندیدەکانی پارتی دیموکراتی کوردستان دەکەن ، چونکە باش دەزانن ، پارتی حزبێکە لەنێو ناخی کۆمەڵگەی کوردی هەڵقوڵاوەو تاکە ئامانجی سەربەخۆیی و بەدیهێنانی خۆشگوزەرانیە بۆ میللەتی کورد.

زۆرترین بینراو