دایكا شه‌هید رزوان بۆ پارێزگارێ دهۆك : من هەشت کۆرێن دی هەنە وان ژی دێ قۆربانی کوردستانێ کەم

دایكا شه‌هید رزوان بۆ پارێزگارێ دهۆك : من هەشت کۆرێن دی هەنە وان ژی دێ قۆربانی کوردستانێ کەم

زاری كرمانجی : د.عەلی تەتەر، پارێزگارێ دهۆکێ دگەل دەڤەردارێ زاخۆ و رێڤەبەرێ رێڤەبەریا کارۆبارێن شەهیدان سەرەدانا مالا شەهید “رزوان محەمەد عەلی سندی” کر کو بەری چەند رۆژا ل سەر دەستێ چەکدارێن پەکەکێ هاتبوو شەهیدکرن، دسەرەدانێدا پارێزگارێ دهۆکێ هەڤخەمی و سەرەخۆشی گەهاندنە مالا شەهیدی و راگەهاند: شەهید رزوان ژ مە هەمیان چوویە ل سەر مال و گوندێ خۆ ب مخابنی ڤە هاتیە شەهیدکرن ئەوی ب سەرەکێ بلند خۆگۆری پاراستنا ئاخا کوردستانێ کر. 
هەروەسا پارێزگارێ دهۆکێ راگەهاند وەفادارترین خزمەت بۆ خێزانێن شەهیدان بەردەوامیدانا رێبازا وانە و ئەوا ئەم تێدا دژین بەرهەمێ خۆینا شەهیدانە و هەر چ خزمەتا بۆ خێزانێن شەهیدان دهێتەکرن ئەرکێ مەیە و یا مەپێ چێ بیت بۆ خزمەتکرنا خێزانا شەهید رزوان و هەمی شەهیدان دێ ئەنجام دەین.
کەسوکار و دەیک و باب و هەڤژینا شەهید رزوان سوپاسیا پارێزگارێ دهۆکێ کر و دادیارکرن ئەم شانازیێ ب شەهیدبوونا شەهیدێ خۆدکەین کو لسەر ئاخ و کەرامەتا کوردستانێ گیانێ خۆ کریە قوربان.
دەیکا شەهید رزوان کو کچا شەهیدی، خۆیشکا شەهیدی و دەیکا شەهیدی یە ب پارێزگارێ دهۆکێ راگەهاند: من هەشت کۆرێن دژی هەنە دێ وان ژی قۆربانی کوردستانێ کەم. 
ل رێکەفتی ٨ی حوزەیرانا ٢٠٢١ شەهید “رزوان محەمەد عەلی سندی” ل سەر گۆندێ خۆ لسنۆرێ ناوچەداریا دەرکارێ ب دەستێ چەکدارێن پەپەکێ هاتە شەهیدکرن و سێ زارۆک ل دویڤ خۆ را هێلاینە ئەڤرۆ دچوارچووڤێ سەرەدانا پارێزگارێ دهۆکێ دا لژنەک راسپارد بۆ دروستکرنا جهێ ئاکنجیبوونا خێزانا شەهید رزوان محەمەد عەلی ل سەنتەرێ باژێرێ زاخۆ دگەل دەیک و باب و کەسوکارێن وان.

زۆرترین بینراو