د.ستار سەلیم: بۆ سەركەوتنی كارەكانمان ئامێری زیاترمان پێویستە

د.ستار سەلیم: بۆ سەركەوتنی كارەكانمان ئامێری زیاترمان پێویستە

شەهلا رەشید- زاری كرمانجی:

بەڕێوەبەری پزیشكی دادی سۆران لە دیمانەیەكی زاری كرمانجی باس لە بەشە گرنگەكانی پزیشكی دادی دەكات، هەروەها ئاماژە بەوە دەكات كە چۆن پشكنین بۆ كەسی مردوو دەكرێت تا هۆكاری گیان لەدەستدانی بزاندرێت.د. ستار سەلیم لە دەستپێكی قسەكانیدا ئاماژەی بەوەدا" بەشە گرنگەكانی پزیشكی دادوەری لە پێنچ بەشی سەرەكی پێكدێت، لەوانە بەشی زیندووەكان لێرەدا هەر رووداوێك پێویستی بە شیكاری پزیشكی و لێكدانەوەی پزیشكی هەبێت لەلایەن دادگاوە رەوانەی ئەم بەشە دەكرێت بۆ وەرگرتنی زانیاری پێویست، ئەم حاڵەتانەش وەك (تاوانە سێكسییەكان، هەڵسەنگاندنی تەمەن، رێژەی كەم ئەندامی، دیاری كردنی وەچە، توانای جەستەیی، رێژەی سەرخۆشبوون بە ماددە هۆشبەرەكان).
بەشی مردووەكان، هەر جۆرە تاوانێك كە گوماناوی بێت بە پێی یاسا رەوانە دەكرێت، بۆیە هەموو مردنێكیش ناگەڕێندرێتەوە بۆ لای پزیشكی دادی، بەڵام پێویستە هەموو جۆرەكانی مردنی پێكراو و رووداوی هاتووچۆ و سووتانەكان بێنە ئەم بەشە، شیكاری تاقیگەی هەر پشكنینێك پەیوەست بێت بە جەستەی مرۆڤەوە بۆ ئەوەی شیكاری بۆ بكرێت، یا هەر دەرمانێك و ماددەیەكی گوماناوی و ژەهراوی بوونەكان لە رێگەی دادگاكانەوە دەنێردرێن و پشكنینی بۆ ئەنجام دەدرێت، دوای هەموو ئەوانە وەڵامی دادوەرەكان دەدرێتەوە". گووتیشی" پشكنینی شوێنی رووداو و هەڵدانەوەی گۆڕ كەوتووەتە سەر داواكاری دادوەرەكان لە ناو دادگادا، بەپێی جۆری رووداوەكان سەردانی شوێنەكە دەكرێت و پشكنینی بۆ ئەنجام دەدرێت بۆ خستنەڕووی راستییەكان، لە بەشی راپۆرتە پزیشكی و دادوەرییەكان هەموو كارەكان بە بڕیار و راپۆرت و نووسراوی فەرمی وەڵام دەدرێنەوە و پارێزراو دەبن، بەشی زانست ئەمەیان زیاتر پەیوەستە بە بەشی خوێندن و توێژینەوەی زانستی، كاتێك پزیشكی دادوەری لەسەر بابەتی توێكاری لێكۆڵینەوەی جەستە دەكات، كارەكەی پۆلێن دەكرێت، لە روانگەی روانین و بەكارهێنانی ئامێری یاریدەدەرەوە بە دووبەشی توێكاری ماكرۆسكۆپی و میكرۆسكۆپی دابەش دەبێت".
د. ستار زیاتر دوا" پزبشكی دادی زۆر پێویستی بە ئامێر نییە تەنها لە حاڵەتی پشكنینی ورد ئێمە پەیوەندی بە سەرووی خۆمانەوە دەكەین كە پەیمانگەی پزیشكی دادییە لە هەولێر، ئەوانی تر بە دەست ئەنجام دەدەین، بەهۆی نەبوونی هەندێك بەش لە سنوورەكەمان زۆرجار تەرمەكان رەوانەی هەولێر دەكەین، لە پەیمانگەی پزیشكی دادی هەولێر بەشەكانی زیاتر هەن وەك بەشی پشكنینی ورد، ژەهراوی، تیشكی، گۆڕەبەكۆمەڵەكان و بەشی ئافرەتان  و هتد...، هەندێكجار ئێمە پارچەیەك لە جەستەی مرۆڤ وەك جەرگ و دڵا و سییەكانی  لێدەكەینەوە و بۆ پشكنین دەنێرینە هەولێر، لەبەر ئەوەی ئەو ئامێرانەمان نییە و تەنها لە پارێزگاكان هەیە لە وڵاتانی دیكەش ناكرێت ئەم جۆرە ئامێرانە لە هەموو شوێنێك دابنرێت و شوینی تایبەتی خۆی هەیە، ئەو حاڵەتانەی كە لە دەسەڵاتی ئێمەدا نین بە كتێبی فەرمی رەوانەی دادی هەولێر دەكەین، لەڕووی كارمەندەكانەوە كێشەمان نییە بەڵام پێویستمان بە هەندێك بەشی دیكە هەیە وەك بەشی تیشكو  ئامێرەكەی و هەندێك ئامێری تر بۆ ئەوەی لە ئەنجامدانیان سەربەخۆ بین، داوامان كردووە لە ماوەیەكی نزیك ئامێرەكان دەنێردرێن". بەڕێوەبەری پزیشكی دادی سۆران زیاتر گووتی"  لە پەیمانگەی پزیشكی دادی  پسپۆڕی زۆرە وەك پسپۆڕێتی ئافرەتان، ئێسك، نەخۆشییەكان و ئەنسیجی هەیە، وردەكاری زۆرە ناكرێت لە هەموو قەزا و ناحیەیەك هەموو ئەوانە هەبن جاری وا هەیە لە پارێزگایەكیش هەبوونی ئەم هەموو پسپۆڕییانە لەیەك كاتدا بەردەست نین، بۆ ناسینەوەی كەلەی سەر و ئێسك و پروسك پشكنینی(DNA)بۆ دەكرێت لە ووڵاتە پێشكەوتووەكان داتا و سەرژمێریاری هەیە ئەمەش پشكینینی(DNA) لە خۆ دەگرێت، ئەو كەلەسەرەی چەند مانگێك لەمەوبەر دۆزرایەوە نێردرا بۆ پەیمانگەی پزیشكی داد لە هەولێر، تا ئێستا ئەنجامەكەی دەرنەچووە چونكە كاتێكی زۆری دەوێت و پشكنینی(DNA) لە هەولێر نییە تەنها لە بەغداد هەیە زۆرجاریش ئەم ئامێرانە كێشەیان بۆ دروست دەبێت و ئەنجامەكان دوا دەكەون، ئەو كێشانەی بۆ كچان دێنە پێش نموونە لە دەستدانی پەردەی كچێنی لە سەنتەری  پارێزگاكان  سێ دكتۆری ئافرەت هەن بڕیار لەسەر بابەتی پەردەی كچێنی دەدەن كە ئایا لەدەستداوە یا نە بە روونی وەڵامی دادگا دەدەنەوە، ئەم كێشانە زۆرن و زۆرجار بە ئاسانی چارەسەركراون و رێگری كراوە لە دروستبوونی كێشەی گەورە.

زۆرترین بینراو