هەڵبژاردن دوا ناخرێت

هەڵبژاردن دوا ناخرێت

زاری كرمانجی - كۆمیسیۆنی باڵای هه‌ڵبژاردنه‌كانی عێراق، رایگه‌یاند، هه‌ڵبژاردنی ئه‌ندامانی ئه‌نجوومه‌نی نوێنه‌ران، كه‌ بڕیاره‌ له‌ (10ی تشرینی یه‌كه‌م)ی ئه‌مساڵ به‌ڕێوه‌ بچێت، دوا نه‌خراوه‌.

له‌ چوارچێوه‌ی به‌یاننامه‌یه‌كی رۆژنامه‌وانی، كۆمیسیۆنی باڵای هه‌ڵبژاردنه‌كانی عێراق، ئاماژەی پێدا، ئه‌و باس و خواسانه‌ی كه‌ له‌ ده‌زگاكانی راگه‌یاندن تیشكی خراوه‌ته‌ سه‌ر، تایبه‌ت به‌ دواخستنی هه‌ڵبژاردنی په‌رله‌مانی له‌ عێراق، راست نین.

جه‌ختیشیكرده‌وه‌، سه‌رۆك و ئه‌ندامانی كۆمیسیۆنی باڵای هه‌ڵبژاردنه‌كان، ئاماده‌ن بۆ ئه‌وه‌ی هه‌ڵبژاردن له‌كاتی خۆی به‌ڕێوه‌ بچێت، سه‌ره‌ڕای ئه‌وه‌ش، دادوه‌ر جه‌لیل عه‌دنان، سه‌رۆكی ئه‌نجوومه‌نی كۆمیسیاران، ده‌ستی له‌كاره‌كانی كشانده‌وه‌.

هەر ئەمڕۆ، موقتەدا سەدر، رێبەری رەوتی سەدر لە کۆنفرانسێکی رۆژنامەوانیدا رایگەیاند: "بەشداری لە هەڵبژاردنی داهاتووی عێراق ناکەم".

رێبەری رەوتی سەدر، وەزیرەکانی سەر بە رەوتەکەی لە کابینەی مستەفا کازمیی کشاندەوە.

گوتیشی: "خۆم بەری دەکەم لەوانەی لە حکومەتی ئێستای عێراق و کابینەی داهاتوو، چونکە هەموویان گەندەڵکارن"

زۆرترین بینراو